ആശുപത്രിയിൽ, അമിതമായി ഗുളിക കഴിച്ച് അവശനിലയിൽ കണ്ടെത്തി ? എന്താണ് എലിസബത്തിനു സംഭവിച്ചത് ?

നടൻ ബാലയ്ക്കും കുടുംബത്തിനുമെതിരെ ഗുരുതര ആരോപണങ്ങളുമായി താരത്തിന്റെ മുൻഭാര്യ ഡോ.എലിസബത്ത് ഉദയൻ രംഗത്തെത്തിയത് കഴിഞ്ഞ ദിവസം വലിയ വാർത്തയായിരുന്നു. മൂക്കിൽ ട്യൂബു ഘടിപ്പിച്ച് ആശുപത്രിക്കിടക്കയിൽ കിടന്നു ചിത്രീകരിച്ച തന്റെ വിഡിയോ സമൂഹമാധ്യമങ്ങളിൽ പങ്കുവച്ചാണ് എലിസബത്ത് ആരോപണങ്ങളുമായി രംഗത്തെത്തിയത്. താൻ മരിച്ചാൽ പൂർണ ഉത്തരവാദി ബാലയും കുടുംബവുമാണെന്നാണ് എലിസബത്ത് പറഞ്ഞത്. തന്നെ ശാരീരികമായി ഉപദ്രവിച്ചുവെന്നും മാധ്യമങ്ങളിലൂടെ അപകീർത്തിപ്പെടുത്തിയെന്നും എലിസബത്ത് ആരോപിക്കുന്നു. എന്നെ വിവാഹം കഴിച്ചിട്ടില്ലെന്നാണു പറയുന്നത്. ആളുകളുടെ മുന്നിൽ വച്ചു ഭാര്യയാണ് എന്നു പറഞ്ഞതും റിസപ്ഷനും അഭിമുഖങ്ങളും നടത്തിയതും എന്തിനാണെന്ന് അറിയില്ല. മുഖ്യമന്ത്രിക്കു പരാതി നൽകിയിട്ടും പൊലീസ് നടപടിയെടുക്കുന്നില്ലെന്നും എലിസബത്ത് ആരോപിക്കുന്നു.

ആശുപത്രിയിൽ നിന്നുള്ള വിഡിയോയാണ് പങ്കുവച്ചതെങ്കിലും എന്താണ് ആരോഗ്യ പ്രശ്നമെന്ന് എലിസബത്ത് വ്യക്തമാക്കിയില്ല. എന്നാൽ, അഹമ്മദാബാദിലെ ബിജെ ആശുപത്രിയിൽ അമിതമായി ഗുളിക കഴിച്ച് അവശനിലയിൽ എലിസബത്തിനെ കണ്ടെത്തുകയായിരുന്നുവെന്നാണ് റിപ്പോർട്ട്. തുടർന്ന് അതേ ആശുപത്രിയിൽ തന്നെ എലിസബത്തിനെ പ്രവേശിപ്പിക്കുകയായിരുന്നുവത്രേ.