ധ്യാൻ ശ്രീനിവാസനും നവാഗതരും പ്രധാന വേഷങ്ങളിലെത്തുന്ന ‘ഡിറ്റക്റ്റീവ് ഉജ്ജ്വലൻ’ ടീസർ ശ്രദ്ധ നേടുന്നു. വീക്കെൻഡ് ബ്ലോക്ക്ബസ്റ്റേഴ്സിന്റെ വീക്കെൻഡ് സിനിമാറ്റിക് യൂണിവേഴ്സിലെ പുതിയ ചിത്രമാണിത്.
കോമഡി ഇൻവെസ്റ്റിഗേഷൻ ത്രില്ലറായി ഒരുക്കുന്ന ചിത്രത്തിൽ സിജു വിൽ‌സൺ മറ്റൊരു പ്രധാന വേഷങ്ങളിൽ എത്തുന്നു. നവാഗതരായ ഇന്ദ്രനീൽ ഗോപീകൃഷ്ണൻ - രാഹുൽ.ജി എന്നിവർ എഴുതി സംവിധാനം ചെയ്യുന്ന ചിത്രം വീക്കെൻഡ് ബ്ലോക്ക്ബസ്റ്റേഴ്സിന്റെ ബാനറിൽ സോഫിയ പോൾ ആണ് നിർമ്മിക്കുന്നത്. മെയ് റിലീസായി ചിത്രം തിയേറ്ററുകളിലെത്തും.
