ഡോ. അനിത മോഹൻ,
ഫോർമർ സ്റ്റേറ്റ് നൂട്രീഷൻ
പ്രോഗ്രാം ഓഫിസർ,
ഡയറക്റ്ററേറ്റ് ഓഫ്
ഹെൽത് സർവീസസ്
മൈദയും പഞ്ചസാരയും ചേരാത്ത രുചിയൊട്ടും ചോരാത്ത കേക്ക്
മൈദയും പഞ്ചസാരയും ഇല്ലാതെ ഈന്തപ്പഴവും ശർക്കരയും ചേർന്ന അയൺ സമ്പുഷ്ടമായ കേക്ക് തയാറാക്കാം. നട്സ് നുറുക്കിയത് ചേർത്തു കൂടുതൽ ആരോഗ്യപ്രദമാക്കാം.
ഹെൽതി ഡേറ്റ്സ് കേക്ക്
ഗോതമ്പുപൊടി – ഒരു കപ്പ്, ഈന്തപ്പഴം – 18 + 2, ചെറുചൂടുള്ള പാൽ – മുക്കാൽ കപ്പ്, ശർക്കര പൊടിച്ചത് – മുക്കാൽ കപ്പ്, ബേക്കിങ് സോഡ – കാൽ ചെറിയ സ്പൂൺ, റിഫൈൻഡ് ഓയിൽ – അരക്കപ്പ്
പാകം ചെയ്യുന്ന വിധം
∙ അവ്ൻ 1800Cൽ ചൂടാക്കിയിടുക.
∙ ഗോതമ്പുപൊടി ബേക്കിങ് സോഡ ചേർത്ത് ഇടഞ്ഞു വയ്ക്കണം.
∙ 18 ഈന്തപ്പഴം കുരു കളഞ്ഞ് പാലിൽ കുതിർത്ത് അര മണിക്കൂർ മാറ്റി വയ്ക്കുക.
∙ പിന്നീട് ഇതു മിക്സിയുടെ ജാറിലാക്കി ശർക്കരയും ചേർത്തടിക്കുക.
∙ ഇതു ഒരു വലിയ ബൗളിലേക്കു പകർത്തിയശേഷം എണ്ണ ചേർത്ത് ഒരു വശത്തേക്ക് മാത്രമിളക്കി യോജിപ്പിക്കുക.
∙ ഇതിലേക്ക് ഇടഞ്ഞു വച്ചിരിക്കുന്ന ഗോതമ്പുപൊടി ചേർത്ത് ഫോൾഡ് ചെയ്തെടുക്കുക. മാവിനു കട്ടി കൂടുതലാണെങ്കിൽ അൽപം പാൽ കൂടി ചേർക്കാം.
∙ രണ്ട് ഈന്തപ്പം അരിഞ്ഞ് അൽപം ഗോതമ്പുപൊടി വിതറി കേക്ക് മിശ്രിതത്തിൽ ചേർത്തിളക്കുക.
∙ ഇതു മയം പുരട്ടിയ ബേക്കിങ് ട്രേയിലൊഴിച്ചു ചൂടാക്കിയിട്ടിരിക്കുന്ന അവ്‌നിൽ വച്ച് 40 മിനിറ്റ് ബേക്ക് ചെയ്യുക.
