ക്രിസ്മസ് നാളിൽ ഡയറ്റ് എടുത്തിട്ട് വല്ല പ്രയോജനവും ഉണ്ടോ.. രസികന്‍ വിഭവങ്ങള്‍ കാണുമ്പോള്‍ വായില്‍ വെള്ളം വരും, രുചിച്ചു നോക്കാതിരുന്നാല്‍ സങ്കടവുമാകും. വെറൈറ്റി കേക്കുകളാണ് ഇപ്പോഴത്തെ ട്രെന്‍ഡ്. എന്നാല്‍ കോംപ്രമൈസ് ചെയ്യാതെ കേക്ക് രുചിക്കാനും വഴിയുണ്ട്. സിമ്പിള്‍ ടിപ്സ് ഇതാ..
∙ ബ്രൗണിയിലും ലാവാ കേക്കിലു മൊക്കെ മൈദയുടെ അളവു കുറവാണ്. ഇവയിൽ ചേർക്കുന്ന ഡാർക് ചോക്‌ലെറ്റ് ആരോഗ്യകരവുമാണ്. മൈദയ്ക്കു പകരം ഓട്മീൽ ചേർത്തും മഗ് ലാവാ കേക്ക് തയാറാക്കാം.
∙ വെണ്ണ, ഐസിങ് ഷുഗർ, ക്രീം ചീസ്, വിപ്ഡ് ക്രീം എന്നിവ കൊണ്ടുള്ള ഐസിങ്ങിനു പകരം ഫ്ലേവേർഡ് ഫ്രോസൺ യോഗർട്ട് ഐസിങ്ങിനായി ഉപയോഗിക്കാം. അലങ്കരിക്കാൻ പഴങ്ങളും വയ്ക്കാം.
∙ പഴം, കാരറ്റ്, ആപ്പിൾ എന്നിങ്ങനെ പഴങ്ങളും പച്ചക്കറികളും ചേർത്തു തയാറാക്കുന്ന കേക്കിന് പോഷകഗുണം കൂടും.
∙ എണ്ണയ്ക്കു പകരം പൈനാപ്പി ൾ സോസ്, ആപ്പിൾ സോസ് എ ന്നിവ ചേർത്തു കേക്കുണ്ടാക്കാം.
∙ ഈന്തപ്പഴം ചേർത്തു തയാറാക്കുന്ന കേക്കിൽ പഞ്ചസാര അധികം ചേർക്കേണ്ടി വരില്ല.
∙ റാഗി പൗഡർ, ആട്ട ഇവ കൊണ്ടുള്ള കേക്കുകളും പരീക്ഷിക്കാം.
