സൗന്ദര്യ സംരക്ഷണത്തിനു ഏറ്റവും ഫലപ്രദമായ ഒന്നാണ് കറ്റാർവാഴ. പാർശ്വഫലങ്ങൾ ഒട്ടും ഇല്ലാതെ ചർമ്മം സുന്ദരമായി സൂക്ഷിക്കാൻ കറ്റാർവാഴ ബെസ്റ്റാണ്. വിവിധതരം സൗന്ദര്യപ്രശ്നങ്ങൾക്കു കറ്റാർവാഴ പായ്ക്കുകൾ ഉപയോഗിച്ചു നോക്കൂ, ഫലം ഉറപ്പായും ലഭിക്കും.
ചില കറ്റാർവാഴ സൗന്ദര്യക്കൂട്ടുകൾ ഇതാ..
. ഒരു ടീ സ്പൂൺ മഞ്ഞൾപ്പൊടി, തേൻ, റോസ് വാട്ടർ, പാൽ എന്നിവയെടുത്തു നന്നായി മിക്സ് ചെയ്യുക. ശേഷം ഈ മിശ്രിതത്തിലേക്ക് അൽപ്പം കറ്റാർവാഴയുടെ ജെൽ കൂടി ചേർക്കുക. ഇവ നന്നായി യോജിപ്പിച്ച ശേഷം ഈ മിശ്രിതം മുഖത്തു തേച്ചു പിടിപ്പിക്കുക. 20 മിനിറ്റിനു ശേഷം കഴുകി കളയാം. മുഖത്തിന് തിളക്കം നൽകാൻ സഹായിക്കുന്ന ഫെയ്സ്പാക്ക് ആണിത്.
. കറ്റാർവാഴയുടെ നീരിനൊപ്പം ഒരൽപ്പം ചെറുനാരങ്ങാ നീരു കൂടി ചേർത്ത് നന്നായി മിക്സ് ചെയ്യുക. ശേഷം ഈ മിശ്രിതം കണ്ണിനു താഴെ കരുവാളിപ്പുള്ള ഭാഗങ്ങളിൽ പുരട്ടുക. പത്തു മിനിറ്റിനു ശേഷം ഒരു പഞ്ഞി ഉപയോഗിച്ച് മിശ്രിതം തുടച്ചു കളയുക. ശേഷം മുഖം തണുത്ത വെള്ളത്തിൽ കഴുകാം. ആഴ്ചയിൽ രണ്ടുതവണ ഇതൊന്നു പരീക്ഷിച്ചുനോക്കിയാൽ വെയിലേറ്റു കൺതടങ്ങളിലുണ്ടാകുന്ന കരുവാളിപ്പ് പൂർണ്ണമായും മാറുന്നത് കാണാം.
. കറ്റാർവാഴയുടെ നീരിനൊപ്പം ഒരൽപ്പം റോസ് വാട്ടർ കൂടി ചേർത്ത് മുഖത്തെ പാടുകളിൽ നന്നായി തേച്ചു പിടിപ്പിക്കുക. കുറച്ചു സമയത്തിനുശേഷം കഴുകിക്കളയുക. സ്ഥിരമായി ഇങ്ങനെ ചെയ്താൽ മുഖക്കുരുവിന്റെ പാടുകൾ, പൊള്ളിയ പാടുകൾ, പിഗ്മെന്റേഷൻ ഇവ പൂർണമായും മാറ്റി മുഖം തിളക്കമുള്ളതാക്കും.
. കറ്റാർവാഴയുടെ നീരിൽ അൽപം തേൻ ചേർത്ത് മുഖത്ത് തേച്ചു പിടിപ്പിക്കുക. കുറച്ചുസമയത്തിനു ശേഷം ശുദ്ധമായ തണുത്ത വെള്ളത്തിൽ മുഖം കഴുകുക. ചർമ്മത്തിലെ എണ്ണമയം പാടെ അകന്നു പോകുന്നതാണ്.
