ആണും പെണ്ണുമെന്ന അതിരുകൾക്കപ്പുറം മറ്റൊരു ലോകമുണ്ട്. അവിടെയും വേറിട്ട ചിന്തകളും അഭിരുചികളും താത്പര്യങ്ങളുമുള്ള മനുഷ്യരുണ്ട്. അവരെ തിരിച്ചറിയുന്നിടത്താണ് ഈ ലോകം സുന്ദരമാകുന്നത്. ട്രാൻസ്ജെൻഡറുകള്‍ ഉൾപ്പെടെയുള്ള സ്വത്വബോധം നെഞ്ചിൽപ്പേറുന്ന മനുഷ്യരുടെ ജീവിതത്തിനും ആഗ്രഹങ്ങളും അർഥതലങ്ങളുമുണ്ടെന്ന് കൺസപ്റ്റ് ഫൊട്ടോഷൂട്ടിലൂടെ പങ്കുവയ്ക്കുകയാണ് ഒരുകൂട്ടം കലാകാരൻമാർ. ആൺമയ്ക്കുള്ളിൽ ഉറങ്ങിക്കിടന്ന പെൺസ്വത്വം എന്തെന്നും അവരുടെ ആഗ്രഹങ്ങളെന്തെന്നും ഫൊട്ടോഷൂട്ടിലൂടെ അടിവരയിടുന്നു. പൊന്നു സൂര്യയാണ് ‘എന്നിലെ പെണ്ണ്’ എന്നു പേരിട്ടിരിക്കുന്ന ഈ മനോഹര ആശയത്തിനായി ക്യാമറ ചലിപ്പിച്ചത്. സച്ചു കാശി, മിക്കു രാജേഷ് എന്നിവരാണ് മോ‍ഡലുകളായി എത്തിയത്. മഹേശ് എം അച്ചുവിന്റേതാണ് മേക്കപ്പ്.
ചിത്രങ്ങൾക്കൊപ്പം പങ്കുവച്ച കുറിപ്പിലെ വരികള്‍ ഇങ്ങനെ....
ഈ കുറിപ്പ് വായിക്കണേ?
?
'എന്നിലെ പെണ്ണ്' എന്ന ഞങ്ങളുടെ ചെറിയ ഒരു ഫോട്ടോഷൂട്ട് ഞങ്ങൾ വിചാരിച്ചതിലും അധികം വൈറൽ ആയി.
ഒരു പക്ഷെ നെഗറ്റിവ് കമന്റുകൾ കൂടുതൽ പ്രതീക്ഷിച്ച ഞങ്ങളെ ഞെട്ടിച്ചത് പോസിറ്റീവ് കമന്റുകൾ ആണ് . അതെ നമ്മുടെ കാഴ്ചപ്പാടുകൾ മാറി തുടങ്ങിയിരിക്കുന്നു .
ഭാഷാന്തരങ്ങൾക്ക് അപ്പുറം ഈ വിഡിയോ എത്തിയപ്പോൾ ഒരുപാട് ചോദ്യങ്ങൾ വന്നു. അതിനുള്ള മറുപടിയാണ് ഇവിടെ എഴുതുന്നത്.
?എന്തുകൊണ്ട് ഈ സ്ത്രീ വേഷത്തിന് താടി ഷേവ് ചെയ്തില്ല. അത് അവരെ അവഹേളിക്കാൻ ആണോ ?
- പുരുഷ ശരീരത്തിലെ സ്ത്രീക്ക് പുരുഷശരീരത്തിലെ മാറ്റങ്ങൾ നടന്ന് കൊണ്ടേ ഇരിക്കും. അതായത് മുടി വളരും , താടി വളരും , മീശ വളരും .
ഷേവ് ചെയ്‌തും മേക്ക് അപ്പ് ചെയ്‌തും മികച്ച സർജറികളിലൂടെയും ആണ് രോമ വളർച്ച തടയുന്നത് .
അവരെ അവഹേളിക്കുന്നതിന് വേണ്ടിയല്ല , പുരുഷ ശരീരത്തിലെ പച്ചയായ സ്ത്രീ മനസിനെ പ്രേക്ഷകർ ശ്രദ്ധിക്കുന്നതിനാണ് ഷേവ് ചെയ്യാതിരുന്നത്.
? ട്രാൻസ്‌ജെൻഡർ സ്ത്രീ പ്രസവിക്കുമോ ?
- ഈ വർക്കിൽ ആദ്യം കാണിക്കുന്ന ചിത്രം 'സ്ത്രീ കൽപ്രതിമയ്ക്ക്' മുന്നിൽ ഇരിക്കുന്ന 'ട്രാൻസ് സ്ത്രീയെ' ആണ്. അവരുടെ സ്വപ്നങ്ങളാണ് പിന്നീടുള്ളത്. (പാർട്ട് 1 - ഷൂട്ട് ചെയ്തത് തിരുവനന്തപുരത്ത് ആണ് )
ഈ വർക്ക് അവസാനിക്കുമ്പോൾ കാണിക്കുന്ന ചിത്രം 'അമ്മയും കുഞ്ഞും’ കൽപ്രതിമയുടെ മടിത്തട്ടിൽ കിടക്കുന്ന 'ട്രാൻസ് സ്ത്രീയായ അമ്മയെ ' ആണ് . (Nature of My Mother - ഇത് കൊല്ലം ആശ്രാമം മൈതാനത്തുള്ള പ്രതിമയാണ് )
അതായത് അമ്മയാകാനുള്ള ഇവരുടെ ആഗ്രഹം ശിലപോലെ ജീവനില്ലാതെ നിൽക്കുകയാണ്. അമ്മയാകുന്ന ഈ ശിലയ്ക്ക് ജീവൻ നൽകാൻ ശാസ്ത്രത്തിന് കഴിയട്ടെ.
---------
എന്നിലേ പെണ്ണ്
അതെ ഇടകലർന്ന നിറമുള്ള പൂവാണ് ഞാൻ.?
എൻ പ്രാണനെ സ്വന്തമാക്കിയ പെൺപൂവ്.?
എങ്കിലും എൻ മിഴികളിൽ തടം കെട്ടി നിർത്തിയ ഒരു കിനാവുണ്ട്, ആ കിനാവാണെന്നിൽ ഓരോ രാവും എൻ മിഴികൾ നനച്ചത്.?
പെറ്റ വയറിനറിയാം പേറ്റുനോവിന്റെ വേദന. ഞാനും മോഹിക്കുന്നു ഒരു അമ്മയാവാൻ.?￢ﾀﾍ?
എന്റെ സ്വപ്നവും ചിതലരിച്ചു പോവുമോ????
ശാസ്ത്രം പുരോഗമിച്ചുവെങ്കിലും എൻ ആഗ്രഹസാഫല്യം കണ്ടു പഴകിയ കിനാവു പോലെ എന്നും എൻ മിഴികളിൽ ഉണ്ട്.?
വളകളും തളകളും കുഞ്ഞി ഉടുപ്പുകൾ നിരന്നിട്ടും തൊട്ടിലിൽ വെക്കാൻ വെറും പാവ മാത്രം...?ﾟﾒﾍ?
എന്നിലേ സ്ത്രീക്ക്
വെറും പാവ മാത്രം..