താക്കോൽദ്വാര ശസ്ത്രക്രിയ എന്നത് ഇന്ന് എല്ലാവർക്കും പരിചിതമായ ഒരു വാക്കാണ്. പരമ്പരാഗത രീതിയിലുള്ള വലിയ മുറിവുകൾ ഒഴിവാക്കുന്ന ശസ്ത്രക്രിയകളെ അർഥമാക്കാൻ കീഹോൾ സർജറി എന്ന പദം ഉപയോഗിക്കുന്നു. ഇത്തരം ശസ്ത്രക്രിയകൾ മുമ്പ് വയറ്റിൽ മാത്രമാണ് സാധിച്ചിരുന്നതെങ്കിൽ, ഇന്ന് ശാസ്ത്ര സാങ്കേതിക വിദ്യയുടെയും, വിദഗ്ധരായ ഡോക്ടർമാരുടെ ശ്രമഫലമായും ശരീരത്തിന്റെ വിവിധ ഭാഗങ്ങളിൽ സാധ്യമാണ്.
ഇതുപോലെ, നെഞ്ച് തുറക്കാതെ ശ്വാസകോശത്തിനും മറ്റ് അവയവങ്ങൾക്കും നെഞ്ചിനുള്ളിൽ ചെയ്യുന്ന ശസ്ത്രക്രിയയെ വീഡിയോ അസിസ്റ്റഡ് തൊറാക്കോസ്കോപ്പിക് സർജറി (വാറ്റ്സ്), എന്ന് വിളിക്കുന്നു. പരമ്പരാഗത ഓപ്പൺ തൊറാക്കോടോമി സർജറിക്ക് പകരമായി ശസ്ത്രക്രിയ നടത്താൻ വീഡിയോ ക്യാമറയുടെ സഹായത്തോടെ വാറ്റ്സിൽ ചെറിയ മുറിവുകളും പ്രത്യേക ഉപകരണങ്ങളും ഉപയോഗിക്കുന്നു.
ഓപ്പൺ തൊറാക്കോടോമി ശസ്ത്രക്രിയയെ അപേക്ഷിച്ച് വാറ്റ്സിന്റെ ഏറ്റവും പ്രധാനപ്പെട്ട നേട്ടങ്ങളിലൊന്ന് രോഗിയുടെ ശരീരത്തിനുണ്ടാകുന്ന ആഘാതം കുറയ്ക്കുന്നതാണ്. ഇത് രോഗികളുടെ ആശുപത്രിവാസം കുറയുന്നതിനും വേഗത്തിൽ സുഖം പ്രാപിക്കുന്നതിനും കാരണമാകുന്നു. വാറ്റ്സിന് വിധേയരായ രോഗികൾക്ക് ജോലിയും ദൈനംദിന ദിനചര്യകളും ഉൾപ്പെടെയുള്ള പ്രവർത്തനങ്ങളിലേക്ക് വേഗത്തിൽ മടങ്ങാനും സാധിക്കുന്നു. ഈ ദ്രുതഗതിയിലുള്ള സൗഖ്യം രോഗിയുടെ സംതൃപ്തി മെച്ചപ്പെടുത്തുക മാത്രമല്ല, ദീർഘകാല ആശുപത്രിവാസവും പുനരധിവാസവുമായി ബന്ധപ്പെട്ട ആരോഗ്യസംരക്ഷണ ചെലവുകളു കുറയ്ക്കുകയും ചെയ്യുന്നു.
കീമോതെറാപ്പി, റേഡിയോ തെറാപ്പി മുതലായ തുടർചികിത്സ ആവശ്യമായ സാഹചര്യങ്ങളിൽ വിലപ്പെട്ട സമയം നഷ്ടപ്പെടുത്താതെ ചികിത്സയുടെ അടുത്ത ഘട്ടത്തിലേക്കു പ്രവേശിക്കുവാനും ഇത് സഹായിക്കുന്നു. തുറന്ന തൊറാക്കോടോമി ശസ്ത്രക്രിയയെ അപേക്ഷിച്ച് VATS ശസ്ത്രക്രിയയ്ക്കു സങ്കീർണതകൾക്കുള്ള സാധ്യത കുറവാണ്. ചെറിയ മുറിവുകൾ രക്തനഷ്ടം, അണുബാധ എന്നിവ കുറയുന്നതിനും, ന്യൂമോണിയ, എറ്റലെക്റ്റാസിസ് തുടങ്ങിയ ശ്വാസകോശ സംബന്ധമായ സങ്കീർണതകൾ ഒഴിവാക്കുവാനും സഹായിക്കുന്നു.
തുറന്ന തൊറാക്കോടോമി ശസ്ത്രക്രിയ വലിയതും, ശ്രദ്ധേയവുമായ പാടുകൾ അവശേഷിപ്പിക്കും. ശസ്ത്രക്രിയയ്ക്കുശേഷമുള്ള അവരുടെ രൂപത്തെക്കുറിച്ച് ആശങ്കാകുലരായ രോഗികൾക്ക് വാറ്റ്സ് ശസ്ത്രക്രിയ പ്രത്യേകിച്ചും പ്രയോജനകരമാണ്.
VATS-ൽ വീഡിയോ ക്യാമറുയടെ ഉപയോഗം നൽകുന്ന മെച്ചപ്പെടുത്തിയ ദൃശ്യവൽക്കരണം, മാഗ്നിഫൈഡ് വ്യൂ എന്നിവ ശരീരഘടനാപരമായ കാര്യങ്ങളെ കൂടുതൽ ആത്മവിശ്വാസത്തോടെ സങ്കീർണമായ ശസ്ത്രക്രിയകൾ നടത്താനും ശസ്ത്രക്രിയാ വിദഗ്ധരെ പ്രാപ്തരാക്കുന്നു. അസുഖം ബാധിച്ച ശ്വാസകോശം എടുത്തു മാറ്റുന്ന ശസ്ത്രക്രിയ (Lobectomy, Pneumonectomy), പ്ലൂറല്‍ ബയോപ്സികൾ (Pleural Biopsy), ന്യൂമോത്തോറാക്സ് (Pneumothorax), മീഡിയാസ്െറ്റനൽ ട്യൂമറുകൾ (Mediastinal Tumor), തൈമസ് ഗ്രന്ഥിയുടെ ശസ്ത്രക്രിയ (Thymecomty) തുടങ്ങിയ നെഞ്ചുരോഗ അസുഖങ്ങളുടെ ചികിത്സ വാറ്റ്സ് മുഖേന നടത്താവുന്നതാണ്. പലപ്പോഴും ന്യൂമോണിയ മൂലവും ക്ഷയരോഗം മൂലവും ഉണ്ടാകുന്ന നെഞ്ചിലെ വെള്ളം കെട്ടുന്ന അവസ്ഥയ്ക്കു (Pleural Effusion) ഒരു ശാശ്വത പരിഹാരം വാറ്റ്സ് ശസ്ത്രക്രിയ ആണ്.
കേരളത്തിൽ തന്നെ വളരെ കുറച്ചു സ്പെഷാലിറ്റി ആശുപത്രികളിൽ മാത്രമുള്ള ഈ നൂതന സൗകര്യം വാറ്റ്സ് ശസ്ത്രക്രിയകളിൽ പരിചയ സമ്പന്നനായ കാർഡിയോ തൊറാസിക് സർജൻ ഡോ. നിവിൻ ജോർജിന്റെ നേതൃത്വത്തിൽ തൃശൂർ ദയ ആശുപത്രിയിൽ ലഭ്യമാണ്. കൂടാതെ മുതിർന്ന നെഞ്ചുരോഗ വിദഗ്ധനായ ഡോ. ടി. കെ രവീന്ദ്രന്റെ നേതൃത്വത്തിലുള്ള പൾമനോളജി ഡിപ്പാർട്ട്മെന്റും തൃശൂർ ദയ ആശുപത്രിയിൽ പ്രവർത്തിക്കുന്നു.
Contact: 7594018169
