‘സമാധാനത്തിനും സൗഖ്യത്തിനും വേണ്ടി വേര്‍പിരിയുന്നു’; വിവാഹമോചന വാര്‍ത്ത പങ്കുവച്ച് സൈന നേഹ്‌വാള്‍ Saina Nehwal Announces Divorce
ബാഡ്മിന്റണ്‍ താരവും ഒളിമ്പിക് മെഡല്‍ ജേതാവുമായ സൈന നേഹ്‌വാള്‍ ഭര്‍ത്താവുമായി വേര്‍പിരിയുന്നു. സോഷ്യല്‍ മീഡിയയിലൂടെയാണ് താരം വേര്‍പിരിയല്‍ കുറിപ്പ് പങ്കുവച്ചത്. ‘‘ജീവിതം പലപ്പോഴും നമ്മളെ വ്യത്യസ്ത ദിശകളിലേക്കാണ് നയിക്കുന്നത്. ഏറെ ആലോചനയ്ക്കു ശേഷമാണ് ഭര്‍ത്താവ് പരുപ്പള്ളി കശ്യപ്പും ഞാനും
ബാഡ്മിന്റണ്‍ താരവും ഒളിമ്പിക് മെഡല്‍ ജേതാവുമായ സൈന നേഹ്‌വാള്‍ ഭര്‍ത്താവുമായി വേര്‍പിരിയുന്നു. സോഷ്യല്‍ മീഡിയയിലൂടെയാണ് താരം വേര്‍പിരിയല്‍ കുറിപ്പ് പങ്കുവച്ചത്. ‘‘ജീവിതം പലപ്പോഴും നമ്മളെ വ്യത്യസ്ത ദിശകളിലേക്കാണ് നയിക്കുന്നത്. ഏറെ ആലോചനയ്ക്കു ശേഷമാണ് ഭര്‍ത്താവ് പരുപ്പള്ളി കശ്യപ്പും ഞാനും
ബാഡ്മിന്റണ്‍ താരവും ഒളിമ്പിക് മെഡല്‍ ജേതാവുമായ സൈന നേഹ്‌വാള്‍ ഭര്‍ത്താവുമായി വേര്‍പിരിയുന്നു. സോഷ്യല്‍ മീഡിയയിലൂടെയാണ് താരം വേര്‍പിരിയല്‍ കുറിപ്പ് പങ്കുവച്ചത്. ‘‘ജീവിതം പലപ്പോഴും നമ്മളെ വ്യത്യസ്ത ദിശകളിലേക്കാണ് നയിക്കുന്നത്. ഏറെ ആലോചനയ്ക്കു ശേഷമാണ് ഭര്‍ത്താവ് പരുപ്പള്ളി കശ്യപ്പും ഞാനും
ബാഡ്മിന്റണ്‍ താരവും ഒളിമ്പിക് മെഡല്‍ ജേതാവുമായ സൈന നേഹ്‌വാള്‍ ഭര്‍ത്താവുമായി വേര്‍പിരിയുന്നു. സോഷ്യല്‍ മീഡിയയിലൂടെയാണ് താരം വേര്‍പിരിയല്‍ കുറിപ്പ് പങ്കുവച്ചത്.
‘‘ജീവിതം പലപ്പോഴും നമ്മളെ വ്യത്യസ്ത ദിശകളിലേക്കാണ് നയിക്കുന്നത്. ഏറെ ആലോചനയ്ക്കു ശേഷമാണ് ഭര്‍ത്താവ് പരുപ്പള്ളി കശ്യപ്പും ഞാനും വേര്‍പിരിയാന്‍ തീരുമാനിച്ചിരിക്കുന്നത്. സമാധാനത്തിനും വ്യക്തിപരമായ വളര്‍ച്ചയ്ക്കും സൗഖ്യത്തിനും വേണ്ടി പിരിയുകയാണ്. അദ്ദേഹവുമായിട്ടുള്ള ഓര്‍മ്മകള്‍ക്ക് ഏറെ നന്ദിയുണ്ട്. മികച്ച കാര്യങ്ങള്‍ പ്രതീക്ഷിച്ച് മുന്നോട്ട് പോകുകയാണ്. ഈ സമയത്ത് ഞങ്ങളുടെ സ്വകാര്യത പരിഗണിക്കുന്നതിന് നന്ദി.’’- സൈന ഇന്‍സ്റ്റഗ്രാം സ്റ്റോറിയിലൂടെ കുറിപ്പ് പങ്കുവച്ചു.
2018 ലാണ് സൈനയും പരുപ്പള്ളി കശ്യപും വിവാഹിതരായത്. ഹൈദരാബാദിലെ പുല്ലേല ഗോപീചന്ദ് അക്കാദമിയിലാണ് ഇരുവരും പരിശീലനം നടത്തിയിരുന്നത്. 2014ലെ കോമണ്‍വെല്‍ത്ത് ഗെയിംസ് സ്വര്‍ണമെഡല്‍ ജേതാവാണ് കശ്യപ്. കര്‍ണം മല്ലേശ്വരിക്കു ശേഷം ഇന്ത്യയ്ക്ക് ഒളിമ്പിക് മെഡല്‍ നേടിത്തന്ന വനിത കൂടിയാണ് സൈന.
2015ല്‍ ബാഡ്മിന്റണ്‍ വനിതാ സിംഗിള്‍സ് റാങ്കിങ്ങില്‍ നമ്പര്‍ വണ്‍ ആയ ആദ്യ ഇന്ത്യന്‍ വനിതയും സൈനയാണ്. സൈനയുടെ ഭാഗത്തുനിന്നും വേര്‍പിരിയല്‍ സ്ഥിരീകരണം വന്നെങ്കിലും കശ്യപ് ഇതുവരെ പ്രതികരിച്ചിട്ടില്ല. മുന്‍പ് ആര്‍ത്രൈറ്റിസ് രോഗബാധ മൂലം മത്സരങ്ങളില്‍ നിന്ന് മാറിനില്‍ക്കേണ്ട അവസ്ഥയും സൈനയ്ക്ക് വന്നിരുന്നു.