‘നീ അല്ല കരയേണ്ടത്... കരയേണ്ടതും ഒറ്റപ്പെടേണ്ടതും വേട്ടക്കാരനാണ്, നീ ചിരിച്ചുകൊണ്ട് ഈ ലോകത്തെ നേരിടണം, ’: ആ പെൺകുട്ടിയോട് റിനി ആൻ ജോർജ്

യുവ രാഷ്ട്രീയ നേതാവിനെതിരെ നടിയും മാധ്യമപ്രവർത്തകയുമായ റിനി ആൻ ജോർജ് നടത്തിയ വെളിപ്പെടുത്തൽ സോഷ്യൽ മീഡിയയിൽ വലിയ ചർച്ചയ്ക്ക് വഴിയൊരുക്കിയിരുന്നു. പേരു വെളിപ്പെടുത്താതെ റിനി നടത്തിയ ആരോപണങ്ങൾക്കു പിന്നാലെയാണ് എംഎല്‍എ രാഹുൽ മാങ്കൂട്ടത്തിലിനെതിരെ ആരോപണങ്ങൾ ഉയർന്നത്. ഇതുമായി ബന്ധപ്പെട്ട് സമൂഹമാധ്യമങ്ങളിൽ ആരോപണ പ്രത്യാരോപണങ്ങൾ നടക്കവെ പുതിയ പോസ്റ്റുമായി റിനി രംഗത്തുവന്നു. ബാധിക്കപ്പെട്ട പെൺ‌കുട്ടിയോട് പുറത്തുവരാനും, ഉണ്ടായ വേദനകൾ തുറന്നുപറയാനും ആവശ്യപ്പെട്ടാണ് റിനിയുടെ ഇൻസ്റ്റാഗ്രാം കുറിപ്പ്. 

റിനി പങ്കുവച്ച കുറിപ്പ് വായിക്കാം; 

അവളോടാണ്... 

പ്രിയ സഹോദരി... 

ഭയപ്പെടേണ്ട... 

വേട്ടപ്പട്ടികൾ കുരയ്ക്കുന്നതു നീ കാര്യമാക്കേണ്ട...

നിനക്കൊപ്പം കേരളത്തിന്റെ മനഃസാക്ഷി ഉണ്ട്...

ഒരു ജനസമൂഹം തന്നെയുണ്ട്... 

നീ അല്ല കരയേണ്ടത്... നീ ചിരിച്ചു കൊണ്ട് ഈ ലോകത്തെ നേരിടണം... 

കരയേണ്ടതും ഒറ്റപ്പെടേണ്ടതും വേട്ടക്കാരൻ ആണ്... 

നീ പുറത്തു വരൂ... നിനക്കുണ്ടായ വേദനകൾ സധൈര്യം പറയു... 

നീ ഇരയല്ല 

നീ ശക്തിയാണ്... നീ അഗ്നിയാണ്...