ക്രീമും ബെറിയും ചേർന്ന അത്ഭുതം, ബെറി പന്ന കോട്ട Simple Panna Cotta Recipe with Fresh Berries

വീട്ടിൽ വളരെ എളുപ്പത്തിൽ തയ്യാറാക്കാവുന്ന ഒരു ഇറ്റാലിയൻ പലഹാരമാണ് ബെറി പന്ന കോട്ട. ക്രീമിന്റെ മൃദുത്വവും ബെറിയുടെ പുളിയും മധുരവും കൂടി ചേർന്ന അടിപൊളി ഐറ്റം.

ആവശ്യമായ ചേരുവകൾ 
പാൽ - അര കപ്പ് 
അൺഫ്ലേവേർഡ് ജെലാറ്റിൻ - 1 ടീസ്പൂൺ 
ഹെവി ക്രീം - 360 മില്ലി
പഞ്ചസാര - അര കപ്പ്
വനില എസ്സെൻസ് - 1 ടീസ്പൂൺബെറി 
സ്ട്രോബെറി - ആവശ്യത്തിന് 
ബ്ലൂബെറി - ആവശ്യത്തിന്
ബ്ലാക്ക്ബെറി - ആവശ്യത്തിന് 
നാരങ്ങാനീര്: 1 ടീസ്പൂൺ

തയ്യാറാക്കുന്ന വിധം 
. ഒരു ചെറിയ പാത്രത്തിൽ പാൽ ഒഴിച്ച് അതിൽ ജെലാറ്റിൻ വിതറുക. 5 മിനിറ്റ് അങ്ങനെ തന്നെ വെക്കുക.
. ഒരു സോസ്പാനിൽ ക്രീം, പഞ്ചസാര, വാനില എസ്സെൻസ് എന്നിവ ചേർത്ത് ഇടത്തരം ചൂടിൽ പഞ്ചസാര അലിയുന്നത് വരെ ഇളക്കുക.
. ഇതിലേക്ക് ജെലാറ്റിൻ-പാൽ മിശ്രിതം ഒഴിച്ച്, ജെലാറ്റിൻ പൂർണ്ണമായി അലിയുന്നത് വരെ നന്നായി ഇളക്കുക. 
. ശേഷം തീ ഓഫ് ചെയ്ത് തണുക്കാൻ വെക്കുക.
. ഇത് ചെറിയ ഗ്ലാസുകളിലേക്കോ കപ്പുകളിലേക്കോ ഒഴിച്ച്, ഫ്രിഡ്ജിൽ 4-5 മണിക്കൂർ വെച്ച് കട്ടിയാക്കി എടുക്കുക.
. ഒരു ചെറിയ പാനിൽ ബെറികളും, പഞ്ചസാരയും, നാരങ്ങാനീരും ചേർത്ത് ചെറുതായി വേവിക്കുക. 
. ബെറികൾ ഉടഞ്ഞ് സോസ് പരുവമാകുമ്പോൾ തീ ഓഫ് ചെയ്ത് തണുപ്പിക്കുക.
. പന്ന കോട്ട നന്നായി സെറ്റായ ശേഷം, അതിനു മുകളിലായി തയ്യാറാക്കിയ ബെറി സോസ് ഒഴിച്ച് വിളമ്പാം.