ചപ്പാത്തി റോൾ
1.എണ്ണ – രണ്ടു വലിയ സ്പൂൺ
2.സവാള – ഒന്നിന്റെ പകുതി, അരിഞ്ഞത്
കാപ്സിക്കം നീളത്തിൽ തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – കാൽ കപ്പ്
കാരറ്റ് നീളത്തിൽ തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – കാൽ കപ്പ്
കാബേജ് നീളത്തിൽ തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – കാൽ കപ്പ്
ഇഞ്ചി അരിഞ്ഞത് – ഒരു ചെറിയ സ്പൂൺ
വെളുത്തുള്ളി അരിഞ്ഞത് – ഒരു ചെറിയ സ്പൂൺ
പച്ചമുളക് പൊടിയായി അരിഞ്ഞത് – ഒരു ചെറിയ സ്പൂൺ
3.മുളകുപൊടി – അര ചെറിയ സ്പൂൺ
മല്ലിപ്പൊടി – അര ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
ചാട്ട മസാല (ആവശ്യമെങ്കിൽ) – കാൽ ചെറിയ സ്പൂൺ
4.തക്കാളി അടിച്ച് അരിച്ചത് – ഒരു പകുതി തക്കാളിയുടേത്
5.ചിക്കൻ വേവിച്ചു തീപ്പെട്ടിക്കമ്പിന്റെ വലുപ്പത്തിൽ അരിഞ്ഞത് – 50 ഗ്രാം
6.മല്ലിയില പൊടിയായി അരിഞ്ഞത് – ഒരു ചെറിയ സ്പൂൺ
7.ചപ്പാത്തി – രണ്ട്
പാകം ചെയ്യുന്ന വിധം
∙എണ്ണ ചൂടാക്കി, രണ്ടാമത്തെ ചേരുവ ചേർത്തു നന്നായി വഴറ്റുക.
∙സവാള ഇളംബ്രൗൺ നിറമാകുമ്പോൾ മൂന്നാമത്തെ ചേരുവ ചേർത്തിളക്കുക. മൂത്തമണം വന്നശേഷം തക്കാളി അരച്ചതു ചേർത്തു നന്നായി വേവിക്കുക.
∙എണ്ണ തെളിയുമ്പോൾ ചിക്കനും മല്ലിയിലയും ചേർത്തിളക്കി വരട്ടി വാങ്ങുക. ഇതാണ് ഫില്ലിങ്ങ്.
∙ഇനി ഓരോ ചപ്പാത്തിയുടെയും ഉള്ളിൽ ഫില്ലിങ്ങിന്റെ പകുതിവീതം വച്ചു ചുരുട്ടി വിളമ്പുക.
