ക്രൻചി ചിക്കൻ സ്ട്രിപ്സ്
1. ചിക്കന്റെ നെഞ്ചുഭാഗം എല്ലില്ലാതെ എടുത്ത്, നീളത്തിൽ സ്ട്രിപ്പുകളായി മുറിച്ചത് - 700 ഗ്രാം
2. വിനാഗിരി - ഒരു ചെറിയ സ്പൂൺ
ഉപ്പ് - ഒരു ചെറിയ സ്പൂൺ
ടുമാറ്റോ കെച്ചപ്പ് - ഒരു വലിയ സ്പൂൺ
കുരുമുളകുപൊടി - അര ചെറിയ സ്പൂൺ
3. റൊട്ടിപ്പൊടി - ഒരു കപ്പ്
കശുവണ്ടിപ്പരിപ്പ്, പൊടിയായി അരിഞ്ഞത് - അരക്കപ്പ്
കറിപൗഡർ - രണ്ടു ചെറിയ സ്പൂൺ
മല്ലിയില പൊടിയായി അരിഞ്ഞത് - രണ്ടു വലിയ സ്പൂൺ
4. മുട്ട - ഒന്ന്
പാൽ - അരക്കപ്പ്
5. മൈദ - അരക്കപ്പ്
6. എണ്ണ - പാകത്തിന്
പാകം െചയ്യുന്ന വിധം
∙ ചിക്കൻ കഷണങ്ങളിൽ രണ്ടാമത്തെ ചേരുവ പുരട്ടി ഒരു മണിക്കൂർ വയ്ക്കുക.
∙ മൂന്നാമത്തെ ചേരുവ ഒരു പ്ലാസ്റ്റിക് കൂടിലാക്കി യോജിപ്പിച്ച്, മാറ്റി വയ്ക്കുക.
∙ മുട്ടയും പാലും ചേർത്തു നന്നായി അടിക്കുക.
∙ പുരട്ടിവച്ചിരിക്കുന്ന ചിക്കൻ സ്ട്രിപ്പുകൾ മൈദയിൽ മുക്കിയ ശേഷം മുട്ട മിശ്രിതത്തിൽ മുക്കി, പ്ലാസ്റ്റിക് ബാഗിലിട്ടു റൊട്ടി മിശ്രിതത്തിൽ പൊതിഞ്ഞെടുക്കുക.
∙ ചൂടായ എണ്ണയിലിട്ടു ഗോൾഡൻ ബ്രൗൺ നിറമാകും വരെ വറുത്തു കോരുക. (ഏകദേശം എട്ടു - 10 മിനിറ്റ്)
∙ യോഗർട്ട് സോസിനൊപ്പം വിളമ്പുക.
∙ യോഗർട്ട് സോസ് തയാറാക്കാൻ, ഒരു കപ്പ് തൈര്, രണ്ടു വലിയ സ്പൂൺ മല്ലിയില അരിഞ്ഞത്, ഒരു വലിയ സ്പൂൺ തേൻ എന്നിവ യോജിപ്പിക്കുക.