യമ്മി ക്രെപ്സ്
1.മൈദ – ഒരു കപ്പ്
പഞ്ചസാര – ഒരു വലിയ സ്പൂൺ
കോൺഫ്ളവർ – ഒരു വലിയ സ്പൂൺ
മുട്ട – രണ്ട്
പാൽ – ഒന്നേമുക്കാൽ കപ്പ്
വെണ്ണ – മൂന്നു വലിയ സ്പൂൺ
2.കോഴിയിറച്ചി വേവിച്ചത് എല്ലില്ലാതെ പൊടിയായി അരിഞ്ഞത് – മുക്കാല് കപ്പ്
പൈനാപ്പിൾ പൊടിയായി അരിഞ്ഞു വേവിച്ചത് – കാൽ കപ്പ്
ക്രീം ചീസ്/ചീസ് സ്പ്രെഡ് – പാകത്തിന്
വോള്നട്ട് പൊടിയായി അരിഞ്ഞത് – രണ്ടു വലിയ സ്പൂൺ
ഓറിഗാനോ – ഒരു ചെറിയ സ്പൂൺ
പാകം ചെയ്യുന്ന വിധം
∙ഒന്നാമത്തെ ചേരുവ യോജിപ്പിച്ചു മിക്സിയിൽ അടിച്ചെടുത്ത്, ഒരു പാത്രത്തിലാക്കി മൂടി 25 മിനിറ്റ് അനക്കാതെ വയ്ക്കണം.
∙നോൺസ്റ്റിക്ക് പാൻ ചൂടാക്കി, ഈ മാവ് കോരിയൊഴിച്ചു തവ ചുറ്റിച്ചു മാവു പരത്തണം. മറിച്ചിട്ടു വേവിച്ചു മാറ്റി വയ്ക്കുക.
∙രണ്ടാമത്തെ ചേരുവ യോജിപ്പിച്ചു ഫില്ലിങ് തയാറാക്കുക.
∙ഓരോ പാൻ കേക്കിനു നടുവിലും തയാറാക്കിയ ഫില്ലിങ് വച്ച്, പാൻകേക്ക് ഇരുവശത്തു നിന്നും ഉള്ളിലേക്കു മടക്കുക. പിന്നീട് നന്നായി അമർത്തി ചുരുട്ടിയെടുക്കുക.
∙ഫില്ലിങ് തയാറാക്കുമ്പോൾ കോഴിയിറച്ചിക്കു പകരം പച്ചക്കറികളും ഉപയോഗിക്കാം.