മുട്ട പുലാവ്
1.ബിരിയാണി അരി – മൂന്നു കപ്പ്
2.റിഫൈൻഡ് ഓയിൽ – മുക്കാൽ കപ്പ്
3.കറുവാപ്പട്ട, ഗ്രാമ്പൂ, ഏലയ്ക്ക – അഞ്ചു വീതം
കുരുമുളക് – ഒരു വലിയ സ്പൂൺ
4.സവാള – ഒന്ന്, കനം കുറച്ചരിഞ്ഞത്
ഇഞ്ചി ചതച്ചത് – ഒരു വലിയ സ്പൂൺ
വെളുത്തുള്ളി ചതച്ചത് – ഒരു വലിയ സ്പൂൺ
5.കാരറ്റ്, ബീൻസ്, കോളിഫ്ളവർ എന്നിവ ചെറുതായി മുറിച്ചതും ഗ്രീൻപീസും – 50 ഗ്രാം വീതം
6.വെള്ളം – ആറു കപ്പ്
ഉപ്പ് – പാകത്തിന്
7.മുട്ട – ആറ്
8.മല്ലിയില – ഒരു പിടി, അരിഞ്ഞത്
സവാള – ഒരു ചെറുത്, വറുത്തത്
പാകം ചെയ്യുന്ന വിധം
∙അരി കഴുകി വാരി വയ്ക്കണം.
∙ഒരു പാത്രത്തിൽ എണ്ണ ചൂടാക്കി മൂന്നാമത്തെ ചേരുവ മൂപ്പിച്ച ശേഷം നാലാമത്തെ ചേരുവ ചേർത്തു വഴറ്റുക.
∙വഴന്ന കൂട്ടിലേക്കു പച്ചക്കറികൾ ചേർത്തിളക്കി നന്നായി വഴറ്റിയശേഷം അരി ചേർത്ത് അഞ്ചു മിനിറ്റ് വറുക്കുക.
∙ഇതിലേക്ക് വെള്ളവും ഉപ്പും ചേർത്ത് പാത്രം അടച്ചു വയ്ക്കുക. നന്നായി തിളയ്ക്കുമ്പോൾ ചെറുതീയിലാക്കി വച്ചു വേവിച്ചെടുക്കുക.
∙മൂന്നു മുട്ട പുഴുങ്ങി, ഓരോന്നും രണ്ടായി മുറിക്കണം.
∙മൂന്നു മുട്ട അൽപം ഉപ്പു ചേർത്തടിച്ചു ചിക്കിപ്പൊരിക്കുക.
∙വെന്ത ചോറിൽ മുട്ട പുഴുങ്ങിയതും മുട്ടപൊരിച്ചതും ചേർത്തിളക്കി യോജിപ്പിക്കുക.
∙എട്ടാമത്തെ ചേരുവ കൊണ്ട് അലങ്കരിച്ചു വിളമ്പുക.
