ഹെൽതി ചിക്കൻ സാലഡ്
1.ചിക്കൻ എല്ലില്ലാതെ – 300 ഗ്രാം
2.ഒലിവ് ഓയിൽ – ഒരു ചെറിയ സ്പൂൺ
ഉപ്പ്, കുരുമുളകുപൊടി – പാകത്തിന്
കശ്മീരി മുളകുപൊടി – രണ്ടു ചെറിയ സ്പൂൺ
ഗാര്ലിക് പൗഡർ – ഒരു ചെറിയ സ്പൂൺ
ഒറിഗാനോ – അര ചെറിയ സ്പൂൺ
ഡ്രസ്സിങ്ങിന്
3.കട്ടത്തൈര് – മുക്കാൽ കപ്പ്
ചില്ലി സോസ് – രണ്ടു വലിയ സ്പൂൺ
വെളുത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
ഉപ്പ്, കുരുമുളകുപൊടി – പാകത്തിന്
വെള്ളം – പാകത്തിന്
സാലഡിന്
4.ലെറ്റൂസ് – കാൽ കിലോ
തക്കാളി, അരിഞ്ഞത് – ഒരു കപ്പ്
സാലഡ് കുക്കുമ്പര്, അരിഞ്ഞത് – ഒരു കപ്പ്
സവാള – ഒന്ന്, അരിഞ്ഞത്
ഫെറ്റ ചീസ് – രണ്ടു വലിയ സ്പൂൺ
പാകം ചെയ്യുന്ന വിധം
∙ചിക്കനിൽ രണ്ടാമത്തെ ചേരുവ ചേർത്തു യോജിപ്പിച്ച് അൽപം എണ്ണയൊഴിച്ചു വറുക്കണം.
∙ഇത് അരയിഞ്ചു വലുപ്പമുള്ള കഷണങ്ങളാക്കി അരിഞ്ഞു വയ്ക്കുക.
∙ഡ്രസ്സിങ് തയാറാക്കാൻ മൂന്നാമത്തെ ചേരുവ നന്നായി അടിച്ചു യോജിപ്പിക്കുക.
∙ഒരു ബൗളിൽ നാലാമത്തെ ചേരുവയും ചിക്കനും ചേർത്തു യോജിപ്പിക്കുക.
∙ഇതിനു മുകളിൽ ഡ്രസ്സിങ് ഒഴിച്ചു കുടഞ്ഞു യോജിപ്പിച്ചു വിളമ്പാം.