ഉള്ളി ബോണ്ട
1.വെളിച്ചെണ്ണ – രണ്ടു ടീസ്പൂൺ
2.കടുക് – അര ടീസ്പൂൺ
3.ചുവന്നുള്ളി, അരിഞ്ഞത് – ഒരു കപ്പ്
4.വെളുത്തുള്ളി – മൂന്ന് അല്ലി
വറ്റൽമുളക് – ആറ്
കറിവേപ്പില – ഒരു തണ്ട്
5.ദോശമാവ് – രണ്ടു കപ്പ്
6.ഉപ്പ് – പാകത്തിന്
7.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക.
∙ഇതിലേക്ക് ചുവന്നുള്ളി ചേർത്തു വഴറ്റുക.
∙വഴന്നു വരുമ്പോൾ നാലാമത്തെ ചേരുവ മയത്തിൽ അരച്ചതു ചേർത്ത് വഴറ്റണം.
∙ഇതു തണുത്തു കഴിയുമ്പോൾ ദോശമാവിൽ ചേർത്ത് നന്നായി ഇളക്കുക.
∙എണ്ണ ചൂടാക്കി തയാറാക്കി വച്ചിരിക്കുന്ന മിശ്രിതം ഓരോ സ്പൂൺ വീതം കോരിയൊഴിച്ച് വറുത്ത് കോരുക.
∙ചൂടോടെ ചട്നിക്കൊപ്പം വിളമ്പാം.
