സേമിയ അട
1.നെയ്യ് – രണ്ടു ചെറിയ സ്പൂൺ
2.സേമിയ – ഒരു കപ്പ്
3.തിളച്ച പാൽ – മൂന്നു കപ്പ്
4.പഞ്ചസാര – മുക്കാൽ കപ്പ്
തേങ്ങ ചുരണ്ടിയത് – ഒരു കപ്പ്
ഏലയ്ക്കാപ്പൊടി – അര ചെറിയ സ്പൂൺ
പാകം ചെയ്യുന്ന വിധം
ചുവടുകട്ടിയുള്ള പാത്രത്തിൽ ഒരു ചെറിയ സ്പൂൺ നെയ്യ് ചൂടാക്കി സേമിയ വറുക്കുക.
ഇതിലേക്കു തിളച്ച പാൽ ഒഴിച്ചു വേവിച്ചു വറ്റിച്ച് അടുപ്പിൽ നിന്നു വാങ്ങുക. നാലാമത്തെ ചേരുവയും ബാക്കിയുള്ള നെയ്യും ചേർത്തു കുഴച്ചു വയ്ക്കണം.
അല്പം ചൂടാറിയ ശേഷം, നെയ്മയം പുരട്ടിയ കൈകൊണ്ട് ഇതിൽ നിന്ന് ഉരുളകൾ ഉരുട്ടി മാറ്റിവയ്ക്കണം.
വാഴയിലക്കഷണങ്ങൾ വാട്ടി, ഓരോ വാഴയിലക്കീറിലും ഒരു ഉരുള വച്ച് മറ്റൊരു വാഴയില കൊണ്ട് അമർത്തി മടക്കി ചൂടായ തവയിൽ തിരിച്ചും മറിച്ചുമിട്ടു മൂപ്പിച്ചെടുക്കുക.
