ഷാഹി റോള്‍സ്
1.ഡെസിക്കേറ്റഡ് കോക്കനട്ട് – 100 ഗ്രാം
കണ്ടൻസ്ഡ് മിൽക് – 40 ഗ്രാം
കശുവണ്ടിപ്പരിപ്പ്, നുറുക്കിയത് – രണ്ടു വലിയ സ്പൂൺ
ബദാം, നുറുക്കിയത് – രണ്ടു വലിയ സ്പൂൺ
കിസ്മിസ്, നുറുക്കിയത് – രണ്ടു വലിയ സ്പൂൺ
പിസ്ത, നുറുക്കിയത് – രണ്ടു വലിയ സ്പൂൺ
2.ബ്രെഡ് – പത്തു സ്ലൈസ്
3.എണ്ണ – വറുക്കാൻ ആവശ്യത്തിന്
4.കണ്ടൻസ്ഡ് മിൽക് – അലങ്കരിക്കാൻ
പിസ്ത – അലങ്കരിക്കാൻ
5.വെള്ളം – 60 മില്ലി
പഞ്ചസാര – 120 ഗ്രാം
6.ഏലയ്ക്ക – രണ്ട്, പൊടിച്ചത്
കുങ്കുമപ്പൂവ് – ഒരു നുള്ള്
പാകം ചെയ്യുന്ന വിധം
∙ഒരു വലിയ ബൗളിൽ ഒന്നാമത്തെ ചേരുവ നന്നായി യോജിപ്പിക്കണം.
∙ഇതിൽ നിന്നും അൽപം എടുത്ത് ചെറിയ ഉരുളയാക്കി നീളത്തിൽ ഉരുട്ടിയെടുത്തു മാറ്റി വയ്ക്കുക.
∙ബ്രെഡിന്റെ വശങ്ങൾ മുറിച്ച് ചപ്പാത്തി കോൽ കൊണ്ടു പരത്തി തയാറാക്കിയ ഉരുളകൾ വച്ച് റോൾ ചെയ്ത് എടുക്കുക.
∙ഇത് ചൂടായ എണ്ണയിൽ വറുത്തു കോരി പഞ്ചസാരപ്പാനിയിൽ പത്തു മിനിറ്റ് ഇട്ടു വയ്ക്കുക.
∙ശേഷം പാനിയിൽ നിന്നെടുത്തു നാലാമത്തെ ചേരുവ ചേർത്തു വിളമ്പാം.
∙പഞ്ചസാരപാനി തയാറാക്കാൻ വെള്ളവും പഞ്ചസാരയും ചേർത്തു തിളപ്പിക്കുക.
∙ഇതിലേക്ക് ആറാമത്തെ ചേരുവ ചേർത്തിളക്കി അഞ്ചു മിനിറ്റു തിളപ്പിക്കുക.
