കോക്കനട്ട് സൂഫ്ളെ
1.മുട്ടമഞ്ഞ – അഞ്ച്
പഞ്ചസാര – 100 ഗ്രാം
2.പാൽ – 500 മില്ലി
3.ജെലറ്റിൻ – 20 ഗ്രാം
തേങ്ങാപ്പാൽ – 200 ഗ്രാം
4.വിപ്പ്ഡ് ക്രീം – 250 മില്ലി
5.പെയർ – ഒന്ന്, നീളത്തിൽ അരിഞ്ഞത്
പാകം ചെയ്യുന്ന വിധം
∙മുട്ടമഞ്ഞയും പഞ്ചസാരയും യോജിപ്പിച്ച് അടിക്കുക.
∙പാൽ തിളപ്പിച്ചു മുട്ട മിശ്രിതത്തിൽ ചേർത്തു നന്നായി ഇളക്കി യോജിപ്പിക്കണം.
∙ഇത് തിളയ്ക്കുന്ന വെള്ളത്തിനു മുകളിൽ പിടിച്ചു ഡബിൾ ബോയ്ലിങ് രീതിയിൽ കുറുക്കി കസ്റ്റേർഡ് തയാറാക്കുക. ഇത് ചൂടാറാൻ വയ്ക്കണം.
∙ഇതില് ജെലറ്റിൻ കുതിർത്തതും തേങ്ങാപ്പാലും ചേർത്തു നന്നായി യോജിപ്പിച്ചു വയ്ക്കണം.
∙ഇതിലേക്കു വിപ്പ്ഡ് ക്രീം മെല്ലേ ചേർത്തു യോജിപ്പിച്ച ശേഷം മോൾഡുകളിലാക്കി ഒരു മണിക്കൂർ ഫ്രിഡ്ജിൽ വച്ചു തണുപ്പിക്കുക.
∙പെയറിൽ അല്പം ബ്രൗൺ ഷുഗർ വിതറി കാരമലൈസ് ചെയ്ത് അലങ്കരിക്കാം. ചോക്ലെറ്റ് വച്ചും അലങ്കരിക്കാം.