ചിക്കൻ തേങ്ങാപ്പാൽ കറി
1.ചിക്കൻ – ഒരു കിലോ
2.എണ്ണ – മൂന്നു വലിയ സ്പൂൺ
3.പെരുംജീരകം – ഒരു വലി സ്പൂൺ
വറ്റൽമുളക് – മൂന്ന്
കറുവാപ്പട്ട – രണ്ടു കഷണം
4.ഇഞ്ചി, പൊടിയായി അരിഞ്ഞത് – ഒരു വലിയ സ്പൂൺ
വെളുത്തുള്ളി, പൊടിയായി അരിഞ്ഞത് – ഒരു വലിയ സ്പൂൺ
പച്ചമുളക് – രണ്ട്, നീളത്തിൽ അരിഞ്ഞത്
5.സവാള – രണ്ട്, പൊടിയായി അരിഞ്ഞത്
6.മഞ്ഞൾപ്പൊടി – അര ചെറിയ സ്പൂൺ
മല്ലിപ്പൊടി – രണ്ടു വലിയ സ്പൂൺ
7.ഉപ്പ് – പാകത്തിന്
വെള്ളം – പാകത്തിന്
8.കുരുമുളകുപൊടി – ഒരു വലിയ സ്പൂൺ
കശുവണ്ടി അരച്ചത് – കാല് കപ്പ്
തേങ്ങാപ്പാൽ – ഒരു കപ്പ്
9.എണ്ണ – രണ്ടു വലിയ സ്പൂൺ
10.കടുക് – അര ചെറിയ സ്പൂൺ
വറ്റൽമുളക് – രണ്ട്
ചുവന്നുള്ളി – അഞ്ച്, അരിഞ്ഞത്
കറിവേപ്പില – ഒരു തണ്ട്
ഗരംമസാലപ്പൊടി – ഒരു ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
പാകം ചെയ്യുന്ന വിധം
∙ചിക്കൻ കഴുകി വൃത്തിയാക്കി കഷണങ്ങളാക്കി വയ്ക്കുക.
∙ചട്ടിയിൽ എണ്ണ ചൂടാക്കി മൂന്നാമത്തെ ചേരുവ മൂപ്പിക്കണം.
∙ഇതിലേക്കു നാലാമത്തെ ചേരുവ വഴറ്റി പച്ചമണം മാറുമ്പോൾ സവാള ചേർത്തു വഴറ്റണം.
∙സവാള കണ്ണാടിപ്പരുവമാകുമ്പോൾ മഞ്ഞൾപ്പൊടിയും മല്ലിപ്പൊടിയും ചേർത്തു മൂപ്പിക്കുക.
∙പച്ചമണം മാറുമ്പോള് ചിക്കൻ ചേർത്തു വഴറ്റി പാകത്തിന് ഉപ്പും വെള്ളവും ചേർത്തു മൂടി വച്ചു വേവിക്കുക.
∙വെന്തു വരുമ്പോൾ എട്ടാമത്തെ ചേരുവ ചേർത്തിളക്കി തിളപ്പിച്ചു വാങ്ങാം.
∙പാനിൽ എണ്ണ ചൂടാക്കി പത്താമത്തെ ചേരുവ താളിച്ചു കറിയിൽ ചേർത്തു വിളമ്പാം.
