ഗലോത്തി കബാബ്
1.പച്ചച്ചക്ക ഉണക്കിയത് – 50 ഗ്രാം
2.എണ്ണ – പാകത്തിന്
3.സവാള അരിഞ്ഞത് – 100 ഗ്രാം
ഇഞ്ചി അരിഞ്ഞത് – രണ്ടു ചെറിയ സ്പൂൺ
പച്ചമുളക് അരിഞ്ഞത് – രണ്ടു ചെറിയ സ്പൂൺ
മല്ലിയില അരിഞ്ഞത് – അഞ്ചു ചെറിയ സ്പൂൺ
പുതിനയില അരിഞ്ഞത് – ഒരു വലിയ സ്പൂൺ
4.ഉപ്പ് – പാകത്തിന്
കടലമാവ് – രണ്ടു വലിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
പാകം ചെയ്യുന്ന വിധം
∙ചക്ക കഴുകി 200 മില്ലി ചൂടുവെള്ളത്തിൽ 10 മിനിറ്റ് കുതിർത്തശേഷം ചെറിയ കഷണങ്ങളായി
അരിഞ്ഞു വയ്ക്കണം. ഇതു തിളച്ച വെള്ളത്തിലിട്ടു 10 സെക്കൻഡിനുശേഷം തണുത്ത വെള്ളത്തിലിടുക. പിന്നീട് ഊറ്റിവയ്ക്കണം.
∙അൽപം എണ്ണ ചൂടാക്കി, മൂന്നാമത്തെ ചേരുവ യഥാക്രമം ചേർത്തു വഴറ്റുക. ഇതിലേക്കു ചക്കയും നാലാമത്തെ ചേരുവയും ചേർത്തിളക്കി വാങ്ങുക. ചൂടാറുമ്പോൾ മിക്സിയിലാക്കി കട്ലറ്റിന്റെ പരുവത്തിൽ അരയ്ക്കണം.
∙ചെറിയ ഉരുളകളാക്കി കട്ലറ്റിന്റെ ആകൃതിയിലാക്കുക. തവയിൽ അൽപം എണ്ണയൊഴിച്ച്, തയാറാക്കിയ കട്ലറ്റ് തിരിച്ചും മറിച്ചുമിട്ടു വറുത്തെടുക്കാം.
∙പുതിന ചട്നിക്കും സാലഡിനുമൊപ്പം വിളമ്പാം.