പ്രോൺസ് കറി
1.ചെമ്മീൻ ,തൊണ്ടും നാരും കളഞ്ഞു വൃത്തിയാക്കിയത് – അരക്കിലോ
2.ഇഞ്ചി, പൊടിയായി അരിഞ്ഞത് – കാൽ ചെറിയ സ്പൂൺ
വെളുത്തുള്ളി, പൊടിയായി അരിഞ്ഞത് – കാൽ ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
കട്ടത്തൈര് – രണ്ടു വലിയ സ്പൂൺ
ഉപ്പ് – പാകത്തിന്
എണ്ണ – രണ്ടു വലിയ സ്പൂൺ
നാരങ്ങാനീര് – പകുതി നാരങ്ങയുടേത്
3. എണ്ണ – രണ്ടു വലിയ സ്പൂൺ
4.ജീരകം – ഒരു ചെറിയ സ്പൂൺ
5.ഇഞ്ചി, പൊടിയായി അരിഞ്ഞത് – ഒരു ചെറിയ സ്പൂൺ
വെളുത്തുള്ളി, പൊടിയായി അരിഞ്ഞത് – ഒരു ചെറിയ സ്പൂൺ
സവാള – ഒന്ന്, പൊടിയായി അരിഞ്ഞത്
6.മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
7.തക്കാളി – രണ്ട്, പൊടിയായി അരിഞ്ഞത്
8.തേങ്ങാപ്പാൽ – ഒരു കപ്പ്
9.മല്ലിയില, പൊടിയായി അരിഞ്ഞത് – രണ്ടു ചെറിയ സ്പൂൺ
പാകം ചെയ്യുന്ന വിധം
∙ചെമ്മീനിൽ രണ്ടാമത്തെ ചേരുവ ചേർത്തു പത്തു മിനിറ്റു വയ്ക്കണം.
∙പാൻ ചൂടാക്കി ചെമ്മീൻ ചേർത്തു നാലു മിനിറ്റു വേവിച്ചു മാറ്റി വയ്ക്കുക.
∙ഇതേ പാനിൽ എണ്ണ ചൂടാക്കി ജീരകം മൂപ്പിക്കുക.
∙അഞ്ചാമത്തെ ചേരുവ ചേർത്തു വഴറ്റി ഗോൾഡൻ ബ്രൗൺ നിറമാകുമ്പോൾ പൊടികൾ ചേർത്തു മൂപ്പിക്കുക.
∙തക്കാളിയും ചേർത്തിളക്കി വേവിക്കുക.
∙തേങ്ങാപ്പാൽ ചേർത്തിളക്കി തിളയ്ക്കുമ്പോൾ വേവിച്ചു വച്ചിരിക്കുന്ന ചെമ്മീൻ ചേർത്തിളക്കണം.
∙ചാറു കുറുകുമ്പോൾ മല്ലിയില ചേർത്തിളക്കി വാങ്ങാം.