ആപ്പിൾ ബ്രഡ് പുഡിങ്
1.മുട്ട – മൂന്ന്
2.പാൽ – ഒരു കപ്പ്
3.കണ്ടൻസ്ഡ് മിൽക്ക് – ഒരു ടിൻ
പഞ്ചസാര – ആവശ്യമെങ്കിൽ
ഉപ്പില്ലാത്ത വെണ്ണ – 75 ഗ്രാം, ഉരുക്കിയത്
കറുവാപ്പട്ട പൊടിച്ചത് – ഒരു വലിയ നുള്ള്
4.റൊട്ടി അരികു കളഞ്ഞു ചെറിയ ചതുരക്കഷണങ്ങളാക്കിയത് – ഒന്നരക്കപ്പ്
ആപ്പിൾ തൊലി കളഞ്ഞു ചതുരക്കഷണങ്ങളാക്കിയത് – ഒന്നരക്കപ്പ്
ചോക്ലേറ്റ് ചിപ്സ് – ഒരു കപ്പിന്റെ മൂന്നിൽ രണ്ട്
5.ക്രീം, ചെറി – അലങ്കരിക്കാൻ
പാകം ചെയ്യുന്ന വിധം
∙അവ്ൻ 2000cൽ ചൂടാക്കിയിടുക.
∙ഒരു പാത്രത്തിൽ മയം പുരട്ടി വയ്ക്കണം.
∙മുട്ട നന്നായി അടിച്ചശേഷം പാൽ ചേർത്തടിക്കണം.
∙ഇതിലേക്കു മൂന്നാമത്തെ ചേരുവയും ചേർത്തു നന്നായി അടിച്ചു യോജിപ്പിക്കണം. നാലാമത്തെ ചേരുവയും ചേർത്തിളക്കി മയം പുരട്ടിയ പാത്രത്തിലൊഴിച്ചു നന്നായി അമർത്തിവയ്ക്കണം.
∙ഇതു ചൂടാക്കിയിട്ടിരിക്കുന്ന അവ്നിൽ വച്ചു സെറ്റ് ആകും വരെ ബേക്ക് ചെയ്യുക. പുറത്തെടുത്തു ചൂടാറുമ്പോൾ മുകളിൽ ക്രീം പൈപ്പ് ചെയ്യണം. ടിന്നിൽ കിട്ടുന്ന ചെറി മുകളിൽ വച്ച് അലങ്കരിക്കാം.
∙കസ്റ്റേർഡിനോ ക്രീമിനോ ഒപ്പം വിളമ്പാം.