അറേബ്യൻ പുഡിങ്
1.പാൽ – അര ലിറ്റർ
2.പഞ്ചസാര – കാൽ കപ്പ്
3.പാൽ – 50 മില്ലി
കസ്‌റ്റർഡ് പൗഡർ – രണ്ടു വലിയ സ്പൂൺ
4.ഫ്രഷ് ക്രീം – 50 മില്ലി
വനില എസ്സൻസ് – അര ചെറിയ സ്പൂൺ
കൺഡൻസ്ഡ് മിൽക് – കാൽ കപ്പ്
5.ബ്രെഡ് – 12 സ്ലൈസ്
6.പിസ്ത, പൊടിച്ചത് – അലങ്കരിക്കാൻ
പാകം ചെയ്യുന്ന വിധം
∙സോസ്പാനിൽ പാൽ തിളപ്പിക്കുക.
∙തിളയ്ക്കുമ്പോൾ പഞ്ചസാര ചേർത്തിളക്കണം. പഞ്ചസാര അലിയുമ്പോൾ മൂന്നാമത്തെ ചേരുവ യോജിപ്പിച്ചതു ചേർത്തിളക്കി കുറുകുമ്പോൾ വാങ്ങാം.
∙മറ്റൊരു പാത്രത്തിൽ നാലാമത്തെ ചേരുവ നന്നായി യോജിപ്പിച്ചു മാറ്റി വയ്ക്കുക.
∙ബ്രെഡിന്റെ അരികു കളഞ്ഞ് ഒരു പുഡിങ് ട്രേയിൽ ഒരു ലെയർ നിരത്തണം. മുകളിൽ പാൽ മിശ്രിതം ഒഴിക്കണം. ഇങ്ങനെ മുഴുവൻ ബ്രെഡും നിരത്തിയ ശേഷം ഏറ്റവും മുകളിൽ ക്രീം മിശ്രിതം ഒഴിച്ച് മൂന്നു–നാലു മണിക്കൂർ ഫ്രഡ്ജിൽ വച്ചു സെറ്റ് ചെയ്യണം.
∙പിസ്ത കൊണ്ട് അലങ്കരിച്ചു വിളമ്പാം.
