Saturday 11 January 2020 05:02 PM IST

ബ്രേക്ക്ഫാസ്റ്റ് രുചികരമാക്കാൻ അവൽ അപ്പവും നാടൻ ബീഫ് മസാലയും!

Merly M. Eldho

Chief Sub Editor

Aval-appam-+naadan-beef-curry
ഫോട്ടോ : സരുൺ മാത്യു

അവൽ അപ്പവും നാടൻ ബീഫ് മസാലയും ബ്രേക്ക്ഫാസ്റ്റായാലും ഡിന്നറായാലും കിടിലൻ കോമ്പിനേഷനാണ്. റെസിപ്പി ഇതാ, ഇന്നുതന്നെ ട്രൈ ചെയ്തു നോക്കൂ...   

അവൽ അപ്പം

1. പച്ചരി – ഒരു കപ്പ്

2. അവൽ (കട്ടിയുള്ള വെള്ള അവൽ) – അരക്കപ്പ്

3. തേങ്ങാവെള്ളം – അരക്കപ്പ്

4. കട്ടിത്തേങ്ങാപ്പാൽ – ഒരു കപ്പ്

ഉപ്പ് – അര ചെറിയ സ്പൂൺ

പഞ്ചസാര – അഞ്ചു ചെറിയ സ്പൂൺ

5. ഇൻസ്റ്റന്റ് യീസ്റ്റ് – അര ചെറിയ സ്പൂൺ

പാകം െചയ്യുന്ന വിധം

∙ അരി കഴുകി വൃത്തിയാക്കി മൂന്നു മണിക്കൂർ വെള്ളത്തിൽ കുതിർത്തു വയ്ക്കണം.

∙ അവൽ തേങ്ങാവെള്ളം ചേർത്തു 15 മിനിറ്റ് വച്ച ശേഷം അരിയും നാലാമത്തെ ചേരുവയും പാകത്തിനു വെള്ളവും ചേർത്ത് ദോശമാവിന്റെ പാകത്തിന് അരച്ചെടുക്കുക.

∙ ഇതിലേക്ക് യീസ്റ്റും ചേർത്തു നന്നായി യോജിപ്പിച്ച ശേഷം രണ്ടര–മൂന്നു മണിക്കൂർ വയ്ക്കണം.

∙ പിന്നീട് അപ്പച്ചട്ടിയിൽ ഒഴിച്ചു ചുറ്റിച്ചു പാലപ്പം ചുട്ടെടുക്കാം.

∙ ഇതേ മാവ് കൊണ്ടു കള്ളപ്പവും ഉണ്ടാക്കാം.

നാടന്‍ ബീഫ് മസാല

1. ബീഫ് – ഒരു കിലോ

2. മുളകുപൊടി – ഒരു ചെറിയ സ്പൂൺ

പെരുംജീരകം – ഒരു ചെറിയ സ്പൂൺ

കടുക് – ഒരു ചെറിയ സ്പൂൺ

കുരുമുളക് – ഒരു ചെറിയ സ്പൂൺ

 ജീരകം – ഒരു ചെറിയ സ്പൂൺ

കറുവാപ്പട്ട, ഏലയ്ക്ക, ഗ്രാമ്പൂ – അൽപം വീതം

3. സവാള – മൂന്നു വലുത്

തക്കാളി – രണ്ട് ഇടത്തരം

ഇഞ്ചി – ഒരിഞ്ചു കഷണം

വെളുത്തുള്ളി – ഒരു ചെറിയ കുടം

4. തേങ്ങ ചുരണ്ടിയത് – അരക്കപ്പ്

കശുവണ്ടിപ്പരിപ്പ് – ആറ്

5. എണ്ണ – പാകത്തിന്

6. ഉപ്പ് – പാകത്തിന്

7. മുളകുപൊടി – രണ്ടു ചെറിയ സ്പൂൺ

മല്ലിപ്പൊടി – രണ്ടു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

8. ഗരംമസാലപ്പൊടി – ഒന്നര ചെറിയ സ്പൂൺ

പാകം െചയ്യുന്ന വിധം

∙ ബീഫ് കഴുകി വൃത്തിയാക്കി ചെറിയ കഷണങ്ങളാക്കി വ യ്ക്കുക.

∙ രണ്ടാമത്തെ ചേരുവ യോജിപ്പിച്ച് പൊടിച്ചു വയ്ക്കണം.

∙ മൂന്നാമത്തെ ചേരുവ മിക്സിയിൽ അരച്ചു വയ്ക്കുക.

∙ തേങ്ങ ചുരണ്ടിയതും കശുവണ്ടിപ്പരിപ്പും യോജിപ്പിച്ചു വറു ത്ത് അരച്ചു വയ്ക്കണം.

∙ വൃത്തിയാക്കിയ ബീഫിൽ രണ്ടാമത്തെ ചേരുവ പൊടിച്ചതു പുരട്ടി കുറഞ്ഞത് അരമണിക്കൂറെങ്കിലും വയ്ക്കുക.

∙ പിന്നീട് ഉപ്പു ചേർത്തു പ്രഷർകുക്കറിൽ വേവിച്ചു വാങ്ങുക.

∙ എണ്ണ ചൂടാക്കി അരച്ചു വച്ചിരിക്കുന്ന സവാള മിശ്രിതം ചേ ർത്തു വഴറ്റി എണ്ണ തെളിയുമ്പോൾ ഏഴാമത്തെ ചേരുവ യും പാകത്തിനുപ്പും ചേർത്തു വഴറ്റണം.

∙ ഇതിൽ ബീഫ് വേവിച്ചതു വെള്ളത്തോടു കൂടി ചേർത്തിളക്കുക. ഗ്രേവി നന്നായി കുറുകി വരുമ്പോൾ വറുത്തരച്ച തേങ്ങ–കശുവണ്ടിപ്പരിപ്പു മിശ്രിതവും ഗരംമസാലപ്പൊടിയും ചേർത്തിളക്കി കുറുകുമ്പോൾ വാങ്ങുക.

∙ ആവശ്യമെങ്കിൽ അൽപം വെളിച്ചെണ്ണയിൽ കടുകും ചുവന്നുള്ളിയും കറിവേപ്പിലയും മൂപ്പിച്ചു കറിയിൽ ചേ ർക്കാം.

Tags:
  • Breakfast Recipes
  • Pachakam