ചട്പടാ ചിക്കൻ
1.ചിക്കൻ, ചെറിയ കഷണങ്ങളാക്കി മുറിച്ചത് – അരക്കിലോ
2.മഞ്ഞൾപ്പൊടി – കാൽ ചെറിയ സ്പൂൺ
മുളകുപൊടി – രണ്ടു ചെറിയ സ്പൂൺ
മല്ലിപ്പൊടി – ഒന്നര ചെറിയ സ്പൂൺ
ജീരകംപൊടി – അര ചെറിയ സ്പൂൺ
കുരുമുളകു ചതച്ചത് – അര ചെറിയ സ്പൂൺ
ഗരംമസാല പൊടി – അര ചെറിയ സ്പൂൺ
ഉപ്പ് – പാകത്തിന്
തൈര് – ഒരു വലിയ സ്പൂൺ
നാരങ്ങാനീര് – രണ്ടു ചെറിയ സ്പൂൺ
ടുമാറ്റൊ കെച്ചപ്പ് – രണ്ടു വലിയ സ്പൂൺ
3.എണ്ണ – മൂന്നു വലിയ സ്പൂൺ
4.മല്ലിയില, പൊടിയായി അരിഞ്ഞത് – മൂന്നു വലിയ സ്പൂൺ
കറിവേപ്പില, പൊടിയായി അരിഞ്ഞത് – ഒരു വലിയ സ്പൂൺ
പാകം ചെയ്യുന്ന വിധം
∙ചിക്കനിൽ രണ്ടാമത്തെ ചേരുവ ചേർത്തു യോജിപ്പിച്ച് ഒരു മണിക്കൂർ വയ്ക്കുക.
∙പാനിൽ എണ്ണ ചൂടാക്കി ചിക്കൻ കഷണങ്ങൾ ചേർത്തു നല്ല ചൂടിൽ അഞ്ചു മിനിറ്റ് വേവിക്കണം.
∙ഒന്നിളക്കി മൂടി വച്ചു ചിക്കൻ വേവിക്കണം.
∙വെന്ടു കഴിയുമ്പോൾ മൂടി തുറന്നു നാലാമത്തെ ചേരുവ ചേർത്ത് അഞ്ചു മിനിറ്റ് ഇളക്കി വെള്ളം വറ്റിച്ചു വാങ്ങാം.
