ചിക്കൻ കോക്കനട്ട് ഫ്രൈ
1.ചിക്കൻ – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – അര വലിയ സ്പൂൺ
ഇഞ്ചി–വെളുത്തുള്ളി പേസ്‌റ്റ് – ഒരു വലിയ സ്പൂൺ
ഗരംമസാലപൊടി – ഒരു ചെറിയ സ്പൂൺ
ജീരകംപൊടി – അര ചെറിയ സ്പൂൺ
ഉപ്പ് – പാകത്തിന്
3.എണ്ണ – വറുക്കാൻ ആവശ്യത്തിന്
4.പെരുംജീരകം – ഒരു നുള്ള്
5.വെളുത്തുള്ളി പൊടിയായി അരിഞ്ഞത് – ഒരു ചെറിയ സ്പൂൺ
പച്ചമുളക് – രണ്ട്, നീളത്തിൽ അരിഞ്ഞത്
വറ്റൽമുളക് – രണ്ട്, മുറിച്ചത്
കറിവേപ്പില – പാകത്തിന്
6.സവാള പൊടിയായി അരിഞ്ഞത് – അരക്കപ്പ്
7.മഞ്ഞൾപ്പൊടി – അര ചെറിയ സ്പൂൺ
മുളകുപൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
8.ചിക്കൻ സ്‌റ്റോക്ക് – കാൽ കപ്പ്
9.തേങ്ങ ചിരകിയത് – കാൽ കപ്പ്
കശ്മീരി മുളകുപൊടി – അര ചെറിയ സ്പൂൺ
പാകം ചെയ്യുന്ന വിധം
∙ചിക്കൻ വൃത്തിയാക്കി ചെറിയ കഷണങ്ങളാക്കി രണ്ടാമത്തെ ചേരുവ ചേർത്ത് ഒരു മണിക്കൂർ വയക്ക്കു.
∙ഇതു ചൂടായ എണ്ണയിൽ വറുത്തു കോരി മാറ്റി വയ്ക്കണം.
∙പാനിൽ ചിക്കൻ വറുത്ത എണ്ണയിൽ നിന്നും ഒരു വലിയ സ്പൂൺ എണ്ണ ചൂടാക്കി പെരുംജീരകം വഴറ്റണം.
∙അഞ്ചാമത്തെ ചേരുവ വഴറ്റി സവാള ഗോൾഡൻ ബ്രൗൺ നിറമാകുമ്പോൾ പൊടികൾ ചേര്‍ത്തു വഴറ്റുക.
∙പച്ചമണം മാറുമ്പോൾ ചിക്കൻ ചേർത്തിളക്കി സ്‌റ്റോക്കു ചേർത്തു നന്നായി ഇളക്കി യോജിപ്പിക്കണം.
∙ഒൻപതാമത്തെ ചേരുവ യോജിപ്പിച്ച് ചിക്കനിൽ ചേർത്തു തീ കൂട്ടി മൂന്നു മിനിറ്റു നന്നായി ഇളക്കി യോജിപ്പിച്ചു വാങ്ങാം.
