ചിക്കൻ തേങ്ങാ പിരട്ട്
1.ചിക്കൻ – ഒരു കിലോ
2.തേങ്ങ ചിരകിയത് – ഒന്നരക്കപ്പ്
ഗ്രാമ്പൂ – അഞ്ച്
ഏലയ്ക്ക – ആറ്
തക്കോലം – 1
പെരുംജീരകം – ഒരു ചെറിയ സ്പൂൺ
ജീരകം – അര ചെറിയ സ്പൂൺ
വെളുത്തുള്ളി – 10 അല്ലി
ചുവന്നുള്ളി – അരക്കപ്പ്
കറിവേപ്പില – ഒരു തണ്ട്
3.മല്ലിപ്പൊടി – ഒരു വലിയ സ്പൂൺ
മുളകുപൊടി – ഒന്നര വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
4.വെളിച്ചെണ്ണ – മൂന്നു വലിയ സ്പൂൺ
5.കടുക് – അര ചെറിയ സ്പൂൺ
ജീരകം – അര ചെറിയ സ്പൂൺ
വറ്റൽമുളക് – നാല്
ഇഞ്ചി–വെളുത്തുള്ളി പേസ്‌റ്റ് – രണ്ടു വലിയ സ്പൂൺ
പച്ചമുളക് – നാല്
6.സവാള – മൂന്ന്
7.തക്കാളി – രണ്ട്
പാകം ചെയ്യുന്ന വിധം
∙ചിക്കൻ വൃത്തിയാക്കി ചെറിയ കഷണങ്ങളാക്കി വയ്ക്കുക.
∙പാൻ ചൂടാക്കി രണ്ടാമത്തെ ചേരുവ വറുക്കുക.
∙തേങ്ങ ബ്രൗൺ നിറമാകുമ്പോൾ തീ അണച്ചു മൂന്നാമത്തെ ചേരുവ ചേർത്തിളക്കുക.
∙തണുക്കുമ്പോൾ മിക്സിയിൽ നന്നായി അരച്ചു വയ്ക്കുക.
∙പാനിൽ വെളിച്ചെണ്ണ ചൂടാക്കി അഞ്ചാമത്തെ ചേരുവ വഴറ്റണം.
∙സവാള ചേർത്തു വഴറ്റി കണ്ണാടിപ്പരുവമാകുമ്പോൾ തക്കാളി ചേർക്കണം.
∙തക്കാളി വെന്തുടയുമ്പോൾ ചിക്കൻ കഷണങ്ങളും പാകത്തിന് ഉപ്പും ചേർത്തിളക്കി മൂടി വച്ചു വേവിക്കുക.
∙മുക്കാൽ വേവാകുമ്പോൾ അരച്ചു വച്ചിരിക്കുന്ന മസാല പാകത്തിനു ചേർത്തിളക്കി തീ കുറച്ചു വച്ച് വരട്ടിയെടുക്കണം.
∙കറിവേപ്പില വിതറി വിളമ്പാം.
