ഈസ്റ്റര്‍ ബ്രേക് ഫാസ്റ്റ്
അപ്പം
1. പച്ചരി – രണ്ടു കപ്പ്
ഉഴുന്ന് – ഒരു വലിയ സ്പൂൺ
2. തേങ്ങ ചുരണ്ടിയത് – അരക്കപ്പ്
പഞ്ചസാര – ഒരു വലിയ സ്പൂൺ
യീസ്റ്റ് – കാൽ ചെറിയ സ്പൂൺ
അവൽ – അരക്കപ്പ്
തേങ്ങാവെള്ളം – ഒരു കപ്പ്
ഉപ്പ് – പാകത്തിന്
പാകം ചെയ്യുന്ന വിധം
∙ ഒന്നാമത്തെ ചേരുവ ആറു മണിക്കൂർ കുതിർത്ത ശേഷം രണ്ടാമത്തെ ചേരുവയും ചേർത്ത് അരയ്ക്കുക.
∙ കൈ കൊണ്ടു നന്നായി ഇളക്കി യോജിപ്പിച്ച ശേഷം ആറ്–എട്ടു മണിക്കൂർ അനക്കാതെ വയ്ക്കണം.
∙ പിന്നീട് ചൂടായ അപ്പച്ചട്ടിയിൽ ഓരോ തവി വീതം മാവ് കോരിയൊഴിച്ചു ചുറ്റിച്ച് അപ്പം ചുട്ടെടുക്കണം.
ചിക്കൻ മപ്പാസ്
1. ചിക്കൻ – അരക്കിലോ
2. വെളിച്ചെണ്ണ – രണ്ടു വലിയ സ്പൂൺ
3. ഏലയ്ക്ക, ഗ്രാമ്പൂ – രണ്ടു വീതം
കറുവാപ്പട്ട – രണ്ടു ചെറിയ കഷണം
കുരുമുളക് – ഒരു ചെറിയ സ്പൂൺ
4. ഇഞ്ചി–വെളുത്തുള്ളി ചതച്ചത് – രണ്ടു വലിയ സ്പൂൺ
സവാള – രണ്ട്, കനം കുറച്ചരിഞ്ഞത്
പച്ചമുളക് – രണ്ട്, അറ്റം പിളർന്നത്
5. മഞ്ഞൾപ്പൊടി – കാൽ ചെറിയ സ്പൂൺ
മല്ലിപ്പൊടി – രണ്ടു ചെറിയ സ്പൂൺ
പെരുംജീരകംപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
6. ഉപ്പ് – പാകത്തിന്
7. തേങ്ങാപ്പാൽ – ഒരു കപ്പ്
8. വെളിച്ചെണ്ണ – ഒരു വലിയ സ്പൂൺ
9. കടുക് – അര ചെറിയ സ്പൂൺ
ചുവന്നുള്ളി – രണ്ട്, അരിഞ്ഞത്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ ചിക്കൻ കഴുകി വൃത്തിയാക്കി കഷണങ്ങളാക്കി വയ്ക്കണം.
∙ ചീനച്ചട്ടിയിൽ വെളിച്ചെണ്ണ ചൂടാക്കി മൂന്നാമത്തെ ചേരുവ മൂപ്പിച്ച ശേഷം നാലാമത്തെ ചേരുവ ചേർത്തു വഴറ്റുക. ഇളംബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു നന്നായി യോജിപ്പിക്കുക.
∙ ഇതിലേക്കു ചിക്കനും പാകത്തിനുപ്പും ചേർത്തു 15 മിനിറ്റ് വേവിക്കണം.
∙ ചിക്കൻ വെന്ത ശേഷം തേങ്ങാപ്പാലും ചേർത്തിളക്കി വീണ്ടും അഞ്ച് മിനിറ്റ് വേവിച്ചു വാങ്ങുക.
∙ വെളിച്ചെണ്ണ ചൂടാക്കി കടുകും കറിവേപ്പിലയും ചുവന്നുള്ളിയും താളിച്ചു കറിയിൽ ചേർക്കുക.
തയാറാക്കിയത്: മെർലി എം. എൽദോ, ഫോട്ടോ: വിഷ്ണു നാരായണൻ. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങള്‍ തയാറാക്കിയതിനും കടപ്പാട്: അനു ഡെന്നിസ്, വാഴക്കാല, കൊച്ചി
