മുട്ട ചട്നി ബജി
1.മുട്ട – മൂന്ന്
2.പുതിനയില – 20 ഇല
മല്ലിയില – ഒരു കെട്ട്
പച്ചമുളക് – മൂന്ന്
നാരങ്ങാനീര് – പകുതി നാരങ്ങയുടേത്
ഉപ്പ് – പാകത്തിന്
3.തേങ്ങ ചിരകിയത് – കാൽ കപ്പ്
4.കടലമാവ് – മുക്കാൽ കപ്പ്
അരിപ്പൊടി – നാലു വലിയ സ്പൂൺ
ഉപ്പ് – പാകത്തിന്
കായംപൊടി – രണ്ടു നുള്ള്
കശ്മീരി മുളകുപൊടി – ഒരു വലിയ സ്പൂൺ
പഞ്ചസാര – അൽപം
വെള്ളം – പാകത്തിന്
5.ചുവന്നുള്ളി, പൊടിയായി അരിഞ്ഞത് – ഒരു വലിയ സ്പൂൺ
കറിവേപ്പില, പൊടിയായി അരിഞ്ഞത് – ഒരു ചെറിയ സ്പൂൺ
6.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
∙മുട്ട പുഴുങ്ങി തൊണ്ടു കളഞ്ഞു രണ്ടായി മുറിച്ചു വയ്ക്കുക.
∙രണ്ടാമത്തെ ചേരുവ മിക്സിയിൽ നന്നായി അരയ്ക്കണം.
∙ഇതിലേക്കു തേങ്ങ ചേർത്തരച്ചു ചട്നി തയാറാക്കുക.
∙നാലാമത്തെ ചേരുവ യോജിപ്പിച്ചു മാവു തയാറാക്കി അര മണിക്കൂർ മാറ്റി വയ്ക്കുക.
∙ഒരു പകുതി മുട്ടയിൽ അൽപം ചട്നി പുരട്ടി തയാറാക്കിയ മാവിൽ മുക്കി ചൂടായ എണ്ണയിൽ വറുത്തു കോരുക.
∙ചൂടോടെ സോസിനൊപ്പം വിളമ്പാം.
