മീൻ അച്ചാർ
1.മീൻ – 300 ഗ്രാം
2.ഉപ്പ് – പാകത്തിന്
മഞ്ഞൾപ്പൊടി – അര ചെറിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
വിനാഗിരി – ഒരു വലിയ സ്പൂൺ
3.എള്ളെണ്ണ – അരക്കപ്പ്
4.കടുക് – ഒരു ചെറിയ സ്പൂൺ
ഉലുവ – കാൽ ചെറിയ സ്പൂൺ
5.ഇഞ്ചി – മൂന്നു വലിയ സ്പൂൺ
വെളുത്തുള്ളി – മൂന്നു വലിയ സ്പൂൺ
പച്ചമുളക് – രണ്ട്, അരിഞ്ഞത്
കറിവേപ്പില – രണ്ടു തണ്ട്
6.മഞ്ഞൾപ്പൊടി – കാൽ ചെറിയ സ്പൂൺ
കശ്മീരി മുളകുപൊടി – ഒന്നര വലിയ സ്പൂൺ
ഉലുവപ്പൊടി – കാൽ ചെറിയ സ്പൂൺ
കായംപൊടി – കാൽ ചെറിയ സ്പൂൺ
7.വിനാഗിരി – കാല്‍ കപ്പ്
ഉപ്പ് – പാകത്തിന്
പാകം ചെയ്യുന്ന വിധം
∙മീൻ കഴുകി വൃത്തിയാക്കി ചെറിയ കഷണങ്ങളാക്കി രണ്ടാമത്തെ ചേരുവ ചേർത്ത് ഒരു മണിക്കൂർ വയ്ക്കണം.
∙പാനിൽ എണ്ണ ചൂടാക്കി മീൻ കഷണങ്ങൾ വറുത്തു കോരി മാറ്റി വയ്ക്കുക.
∙ഇതേ എണ്ണയിൽ കടുകും ഉലുവയും പൊട്ടിച്ച് അഞ്ചാമത്തെ ചേരുവ ചേർത്തു വഴറ്റണം.
∙ഇതിലേക്കു പൊടികൾ ചേർത്തു വഴറ്റി പച്ചമണം മാറുമ്പോൾ ഏഴാമത്തെ ചേരുവ ചേർത്തു തിളപ്പിക്കുക.
∙വറുത്തു വച്ചിരിക്കുന്ന മീനും ചേർത്തിളക്കി വാങ്ങാം.
∙നന്നായി തണുത്തു കഴിയുമ്പോൾ വായു കടക്കാത്ത പാത്രത്തിലാക്കി സൂക്ഷിക്കാം.
