ഇറച്ചി പത്തിരി
1.ബീഫ് – അരക്കിലോ
2.മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
കുരുമുളകുപൊടി – പാകത്തിന്
കറിവേപ്പില – ഒരു തണ്ട്
3.വെളിച്ചെണ്ണ – രണ്ടു വലിയ സ്പൂൺ
4.സവാള – രണ്ട്, പൊടിയായി അരിഞ്ഞത്
ഇഞ്ചി – ഒരു ചെറിയ കഷണം,പൊടിയായി അരിഞ്ഞത്
വെളുത്തുള്ളി – അഞ്ച് അല്ലി, പൊടിയായി അരിഞ്ഞത്
പച്ചമുളക് – രണ്ട്, പൊടിയായി അരിഞ്ഞത്
കറിവേപ്പില – ഒരു തണ്ട്, പൊടിയായി അരിഞ്ഞത്
5.ഗരംമസാലപ്പൊടി – ഒരു ചെറിയ സ്പൂൺ
പെരുംജീരകം പൊടി – അര ചെറിയ സ്പൂൺ
6.മല്ലിയില, പൊടിയായി അരിഞ്ഞത് – രണ്ടു വലിയ സ്പൂൺ
പത്തിരിക്ക്
7.ഗോതമ്പുപൊടി – അരക്കപ്പ്
മൈദ – രണ്ടു കപ്പ്
ഉപ്പ് – പാകത്തിന്
8.വെള്ളം – കുഴയ്ക്കാൻ ആവശ്യത്തിന്
9.മുട്ട – 1-2, അടിച്ചത്
പഞ്ചസാര – ഒരു ചെറിയ സ്പൂൺ
ഉപ്പ് – ഒരു നുള്ള്
കുരുമുളകുപൊടി – കാൽ ചെറിയ സ്പൂൺ
ഏലയ്ക്കപൊടി – കാൽ ചെറിയ സ്പൂൺ
10.എണ്ണ – വറുക്കാൻ ആവശ്യത്തിന്
പാകം ചെയ്യുന്ന വിധം
ബീഫ് കഴുകി വൃത്തിയാക്കി രണ്ടാമത്തെ ചേരുവ ചേർത്തു വേവിച്ചു കൈകൊണ്ടു പിച്ചിവയ്ക്കുക.
∙പാനിൽ വെളിച്ചെണ്ണ ചൂടാക്കി നാലാമത്തെ ചേരുവ ചേർത്തു വഴറ്റണം.
∙സവാള കണ്ണാടിപ്പരുവമാകുമ്പോൾ പൊടികൾ ചേർത്തു വഴറ്റി പച്ചമണം മാറുമ്പോൾ ഇറച്ചി ചേർക്കുക.
∙നന്നായി ഇളക്കി യോജിപ്പിച്ച് വെള്ളം വറ്റി വരുമ്പോൾ മല്ലിയില ചേർത്തിളക്കി വാങ്ങണം. ഇതാണു ഫില്ലിങ്.
∙ഒരു പാത്രത്തിൽ ഏഴാമത്തെ ചേരുവ യോജിപ്പിച്ച് പാകത്തിനു വെള്ളം ഒഴിച്ചു കുഴച്ച് മയമുള്ള മാവു തയാറാക്കുക.
∙ഇത് ചെറിയ ഉരുളകളാക്കി പൂരിയെക്കാൽ അൽപം വലുപ്പത്തിൽ പരത്തിയെടുക്കണം.
∙ഒരു പത്തിരിയിൽ തയാറാക്കിയ ഫില്ലിങ് വച്ചു മറ്റൊരു പത്തിരികൊണ്ടു മൂടി അരികുകൾ പിരിച്ച് ഒട്ടിച്ചെടുക്കണം.
∙ഇത് 9–ാമത്തെ ചേരുവ യോജിപ്പിച്ചതിൽ മുക്കി ചൂടായ എണ്ണയിൽ വറുത്തു കോരുക.