ചെറിയ പെരുന്നാൾ സൽക്കാരത്തിനായി അതിഥികൾ വീട്ടിൽ എത്തുമ്പോൾ ചായയ്ക്കൊപ്പം നൽകാൻ ഹെവിയായ രണ്ടു നാലുമണി പലഹാരങ്ങൾ ഇതാ..!! ചെമ്മീൻ ബോണ്ടയും ഇടി അടയുമാണ് സ്പെഷ്യൽ വിഭവങ്ങൾ. നിങ്ങളും റെസിപ്പി നോക്കി വീട്ടിൽ ട്രൈ ചെയ്തു നോക്കൂ...
ചെമ്മീൻ ബോണ്ട
1. ചെമ്മീൻ തൊണ്ടു കളഞ്ഞത് – 200 ഗ്രാം
2. മുളകുപൊടി – ഒരു ചെറിയ സ്പൂൺ
വെളുത്തുള്ളി അരച്ചത് – കാൽ ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
പെരുംജീരകംപൊടി – കാൽ ചെറിയ സ്പൂൺ
ഗരംമസാലപ്പൊടി – രണ്ടു ചെറിയ സ്പൂൺ
ഉപ്പ് – പാകത്തിന്
3. എണ്ണ – പാകത്തിന്
4. സവാള – രണ്ട്, പൊടിയായി അരിഞ്ഞത്
പച്ചമുളക് – നാല്, പൊടിയായി അരിഞ്ഞത്
ഇഞ്ചി – ഒരിഞ്ചു കഷണം, പൊടിയായി അരിഞ്ഞത്
കറിവേപ്പില, മല്ലിയില – അൽപം വീതം, പൊടിയായി അരിഞ്ഞത്
5. ഉരുളക്കിഴങ്ങ് – രണ്ട്, വേവിച്ച് ഉടച്ചത്
6. കടലമാവ് – മുക്കാൽ കപ്പ്
കോൺഫ്ളോർ – കാൽ കപ്പ്
ഉപ്പ് – പാകത്തിന്
7. വെള്ളം – പാകത്തിന്
പാകം െചയ്യുന്ന വിധം
∙ ചെമ്മീൻ വൃത്തിയാക്കി രണ്ടാമത്തെ ചേരുവ പുരട്ടി വേവിച്ചെടുക്കണം.
∙ എണ്ണ ചൂടാക്കി നാലാമത്തെ ചേരുവ വഴറ്റിയ ശേഷം ചെമ്മീ ൻ വേവിച്ചതു ചേർത്തു വഴറ്റുക.
∙ ഇതിലേക്ക് ഉരുളക്കിഴങ്ങും ചേർത്തു വഴറ്റി യോജിപ്പിക്കണം.
∙ അടുപ്പിൽ നിന്നു വാങ്ങി ചെറിയ ഉരുളകളാക്കി വയ്ക്കണം.
∙ ആറാമത്തെ ചേരുവ പാകത്തിനു വെള്ളം േചർത്തു കുറു കെ കലക്കിയ ശേഷം ഓരോ ഉരുളയും ഈ മാവിൽ മുക്കി, ചൂടായ എണ്ണയില് വറുത്തു കോരുക.
ഇടി അട
1. മല്ലി – രണ്ടു വലിയ സ്പൂൺ
വറ്റൽമുളക് – രണ്ട്
കശ്മീരി മുളക് – രണ്ട്
പെരുംജീരകം – ഒന്നര ചെറിയ സ്പൂൺ
ജീരകം – മുക്കാൽ ചെറിയ സ്പൂൺ
തേങ്ങ ചുരണ്ടിയത് – രണ്ടു വലിയ സ്പൂൺ
കറുവാപ്പട്ട – രണ്ടു കഷണം
ഗ്രാമ്പൂ – നാല്
2. ഇറച്ചി പൊടിയായി അരിഞ്ഞത് – 250 ഗ്രാം
3. വെളുത്തുള്ളി അരച്ചത് – രണ്ടു ചെറിയ സ്പൂൺ
ഇഞ്ചി അരച്ചത് – ഒരു ചെറിയ സ്പൂൺ
ഉപ്പ് – പാകത്തിന്
4. വെള്ളം – അരക്കപ്പ്
5. വെളിച്ചെണ്ണ – രണ്ടു വലിയ സ്പൂൺ
6. സവാള – നാല്, പൊടിയായി അരിഞ്ഞത്
പച്ചമുളക് – രണ്ട്, അരിഞ്ഞത്
7. ഗരംമസാലപ്പൊടി – അര ചെറിയ സ്പൂൺ
മല്ലിയില – ഒരു വലിയ സ്പൂൺ
ഉപ്പ് – പാകത്തിന്
8. വെള്ളം – ഒന്നരക്കപ്പ്
ഉപ്പ് – പാകത്തിന്
9. പത്തിരിപ്പൊടി – ഒരു കപ്പ്
പാകം െചയ്യുന്ന വിധം
∙ ഒന്നാമത്തെ ചേരുവ ചുവക്കെ വറുത്തു പൊടിക്കണം.
∙ ഇറച്ചി കഴുകി വാരി വറുത്തു പൊടിച്ച മസാലയും ഇഞ്ചിയും വെളുത്തുള്ളിയും അരച്ചതും ഉപ്പും ചേർത്തു നന്നായി കുഴച്ച്, 15 മിനിറ്റ് വയ്ക്കുക. ഇതു പാകത്തിനു വെള്ളം ചേ ർത്തു വേവിച്ചു വറ്റിച്ചെടുക്കണം.
∙ എണ്ണ ചൂടാക്കി സവാളയും പച്ചമുളകും ചേർത്തു വഴറ്റുക. സവാള വാടിത്തുടങ്ങുമ്പോൾ ഇറച്ചി വേവിച്ചതു ചേർത്തിള ക്കി നന്നായി ഉലർത്തിയെടുക്കണം.
∙ ഇതിലേക്ക് ഏഴാമത്തെ ചേരുവ ചേർത്തിളക്കി വാങ്ങുക. ഇതാണ് ഫില്ലിങ്.
∙ ഉപ്പു ചേർത്തു തിളപ്പിച്ച വെള്ളം അൽപാൽപം വീതം അ രിപ്പൊടിയിൽ ചേർത്തു മയത്തിൽ കുഴച്ചു മാവു തയാറാ ക്കുക. കൈയിൽ അൽപം എണ്ണ പുരട്ടി വേണം മാവു കുഴയ്ക്കാൻ.
∙ കുഴച്ച മാവ് ഇടിയപ്പത്തിന്റെ ചില്ലിട്ട സേവനാഴിയിലാക്കി എണ്ണ പുരട്ടി വച്ചിരിക്കുന്ന വാഴയിലയിലേക്കു വട്ടത്തിൽ അൽപം കനത്തിൽ പിഴിയണം.
∙ ഇതിന്റെ ഒരു വശത്തു തയാറാക്കിയ ഫില്ലിങ് വച്ച്, മറുപകു തി കൊണ്ടു മൂടണം.
∙ ആവി വരുന്ന അപ്പച്ചെമ്പിന്റെ തട്ടിൽ വച്ച് വേവിച്ചെടുക്കുക.
∙ അടുപ്പിൽ നിന്നു വാങ്ങി ചൂടാറിയ ശേഷം വിളമ്പാം. ചൂടോ ടെ എടുത്താൽ കൈയിൽ ഒട്ടാൻ സാധ്യതയുണ്ട്.
ഫോട്ടോ : അസിം കൊമാച്ചി, പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: ഉമ്മി അബ്ദുള്ള കോഴിക്കോട്
