Saturday 04 January 2020 04:46 PM IST

നാടൻ രുചിയിൽ കൊതിപ്പിക്കും കോഴിപ്പിടി!

Merly M. Eldho

Chief Sub Editor

Kozhippidi ഫോട്ടോ : സരുൺ മാത്യു

പിടിക്ക്

1. തേങ്ങ ചുരണ്ടിയത് – കാല്‍ കപ്പ്

 ചുവന്നുള്ളി – എട്ട്–പത്ത്

ജീരകം – അര ചെറിയ സ്പൂൺ

2. അരിപ്പൊടി – ഒരു കപ്പ്

ഉപ്പ് – പാകത്തിന്

3. തിളച്ച വെള്ളം – ഒന്നേകാൽ കപ്പ്

4. നെയ്യ് – പാകത്തിന്

കോഴിക്കറിക്ക്

5. ചിക്കൻ – ഒരു കിലോ, വൃത്തിയാക്കി കഷണങ്ങളാക്കിയത്

6. മുളകുപൊടി – രണ്ട്–മൂന്നു ചെറിയ സ്പൂൺ

മല്ലിപ്പൊടി – രണ്ടു വലിയ സ്പൂൺ

മഞ്ഞൾപ്പൊടി – അര ചെറിയ സ്പൂൺ

ഗരംമസാലപ്പൊടി – ഒന്നര ചെറിയ സ്പൂൺ

ഉപ്പ് – പാകത്തിന്

7. സവാള – നാല് ഇടത്തരം, അരിഞ്ഞത്

ഇഞ്ചി ചതച്ചത് – ഒരു വലിയ സ്പൂൺ

വെളുത്തുള്ളി ചതച്ചത് – ഒരു വലിയ സ്പൂൺ

കറിവേപ്പില – രണ്ടു തണ്ട്

8. എണ്ണ – പാകത്തിന്

9. തേങ്ങാപ്പാൽ – ഒരു കപ്പ്

പാകം ചെയ്യുന്ന വിധം

∙ ഒന്നാമത്തെ ചേരുവ മിക്സിയിലാക്കി ഒന്നു കറക്കിയെടുക്കുക.

∙ അരിപ്പൊടിയും ഉപ്പും യോജിപ്പിച്ചതിൽ തേങ്ങാ മിശ്രിതം ചേർത്തിളക്കിയ ശേഷം തിളച്ച വെള്ളം ചേർത്തു നന്നായി കുഴച്ച് 10–15 മിനിറ്റ് അനക്കാതെ വയ്ക്കുക.

∙ പിന്നീട് കൈവെള്ളയിൽ അൽപം നെയ്യ് പുരട്ടി മാവിൽ നിന്നു ചെറിയ ഉരുളകൾ ഉരുട്ടി 10 മിനിറ്റ് ആവിയിൽ വേവിച്ചെടുക്കണം.

∙ ചിക്കൻ വൃത്തിയാക്കി ആറാമത്തെ ചേരുവ പുരട്ടി ഒരു രാത്രി ഫ്രിജിൽ വയ്ക്കുക.

∙ പുറത്തെടുത്ത് ഏഴാമത്തെ ചേരുവ ചേർ ത്തു നന്നായി യോജിപ്പിക്കുക.

∙ ചീനച്ചട്ടിയിൽ എണ്ണ ചൂടാക്കി ചിക്കൻ മിശ്രിതം ചേർത്തു ന ല്ല ചൂടിൽ കുറച്ചു സമയം വഴറ്റിയ ശേഷം ചെറുതീയിലാക്കി ചിക്കൻ വേവിച്ചെടുക്കണം.

∙ ചിക്കൻ വെന്ത ശേഷം തേങ്ങാപ്പാൽ ചേർത്തിളക്കി ഉപ്പു പാകത്തിനാക്കുക. കുറുകിത്തുടങ്ങുന്ന പാകത്തിൽ വാങ്ങണം.

∙ ഈ കറിയിലേക്കു പിടി വേവിച്ചതു ചേർത്തിളക്കി വിളമ്പാം.

∙ പിടിയും കോഴിക്കറിയും വെവ്വേറെ ആയും വിളമ്പാം. വെ വ്വേറെ വിളമ്പുമ്പോൾ അൽപം എണ്ണ ചൂടാക്കി, കടുകും കറിവേപ്പിലയും താളിച്ച് അതിൽ പിടി ചേർത്തിളക്കിെയടുക്കണം.

Tags:
  • Dinner Recipes
  • Breakfast Recipes
  • Pachakam