മാമ്പഴക്കൂട്ടാൻ
1. ചെറിയ മാമ്പഴം – നാല്–അഞ്ച്
2. മുളകുപൊടി – ഒരു ചെറിയ സ്പൂണ്
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
3. ശർക്കര പൊടിച്ചത് – ആവശ്യമെങ്കിൽ
4. തേങ്ങ ചുരണ്ടിയത് – അരക്കപ്പ്
ജീരകം – അര ചെറിയ സ്പൂൺ
പുളിയുള്ള തൈര് – മുക്കാൽ കപ്പ്
പച്ചമുളക് – നാല്
5. വെളിച്ചെണ്ണ – പാകത്തിന്
6. കടുക് – അര ചെറിയ സ്പൂൺ
ഉലുവ – ഒരു നുള്ള്
വറ്റൽമുളക് – രണ്ട്–മൂന്ന്
കറിവേപ്പില – ഒരു തണ്ട്
പാകം ചെയ്യുന്ന വിധം
∙ മാമ്പഴം രണ്ടാമത്തെ ചേരുവ ചേർത്തു വേവിക്കുക. മാമ്പഴത്തിന്റെ മധുരം അനുസരിച്ച് ആവശ്യമെങ്കിൽ ശർക്കര പൊ ടിച്ചതു ചേര്ത്തു മധുരം ക്രമീകരിക്കാം.
∙ നാലാമത്തെ ചേരുവ മയത്തിൽ അരച്ചു വേവിച്ച മാമ്പഴത്തിൽ ചേർത്തു യോജിപ്പിക്കുക.
∙ ചീനച്ചട്ടിയിൽ എണ്ണ ചൂടാക്കി ആറാമത്തെ ചേരുവ താളിച്ചു കറിയിൽ ചേര്ത്തു വിളമ്പാം.