1. മൈദ – രണ്ടു കപ്പ്
ബേക്കിങ് പൗഡർ – ഒരു ചെറിയ സ്പൂൺ
ബേക്കിങ് സോഡ – അര ചെറിയ സ്പൂൺ
ഉപ്പ് – അര ചെറിയ സ്പൂൺ
2. പഞ്ചസാര – ഒന്നരക്കപ്പ്
വെണ്ണ – 115 ഗ്രാം
3. മുട്ട – മൂന്ന്
4. കട്ടിമോര് – ഒരു കപ്പ്
5. നാരങ്ങാത്തൊലി ചുരണ്ടിയത് – ഒരു വലിയ സ്പൂൺ
നാരങ്ങാനീര് – ഒരു വലിയ സ്പൂൺ
ഓറഞ്ച് ജ്യൂസ് – ഒരു കപ്പിന്റെ മൂന്നിലൊന്ന്
ഐസിങ്ങിന്
6. പഞ്ചസാര പൊടിച്ചത് – 150 ഗ്രാം
ഓറഞ്ച് ജ്യൂസ് – രണ്ടു വലിയ സ്പൂൺ
7. ഓറഞ്ചുതൊലി ചുരണ്ടിയത് – ഒരു വലിയ സ്പൂൺ
പാകം ചെയ്യുന്ന വിധം
∙ അവ്ൻ 1800Cൽ ചൂടാക്കിയിടുക.
∙ മൈദ, ബേക്കിങ് പൗഡർ, ബേക്കിങ് സോഡ, ഉപ്പ് എന്നിവ യോജിപ്പിച്ച് ഇടഞ്ഞു വയ്ക്കണം.
∙ രണ്ടാമത്തെ ചേരുവ ഒരു ബൗളിലാക്കി നന്നായി അടിച്ചു യോജിപ്പിക്കുക.
∙ നല്ല മയം വരുമ്പോൾ മുട്ട ഓരോന്നായി േചർത്തടിക്കണം. ഓരോന്നും ചേർത്ത ശേഷം നന്നായി അടിച്ചു യോജിപ്പിക്കണം.
∙ ഇതിലേക്കു മോരും മൈദ മിശ്രിതവും ഇടവിട്ടു ചേർത്തു മെല്ലേ യോജിപ്പിക്കണം.
∙ നാരങ്ങാത്തൊലി ചുരണ്ടിയതും നാരങ്ങാനീരും ഓറഞ്ച്നീരും യോജിപ്പിച്ചതും ചേർത്തു മെല്ലേ ഇളക്കി യോജിപ്പിക്കണം.
∙ ഇതു പേപ്പറിട്ടു വച്ചിരിക്കുന്ന കേക്ക് പാനിൽ ഒഴിച്ച്, ചൂടാക്കിയിട്ടിരിക്കുന്ന അവ്നിൽ വച്ച് 30 മിനിറ്റ് ബേക്ക് ചെയ്യുക.
∙ ഐസിങ് തയാറാക്കാൻ പഞ്ചസാര പൊടിച്ചതും ഓറഞ്ച് ജ്യൂസും നന്നായി യോജിപ്പിച്ചു ചൂടാറിയ കേക്കിനു മുകളിൽ ഒഴിക്കണം.
∙ ഓറഞ്ചുതൊലി ചുരണ്ടിയതു കൊണ്ട് അലങ്കരിക്കാം.
ഫോട്ടോ : ശ്യാം ബാബു, ഫോട്ടോയ്ക്കു വേണ്ടി വിഭവങ്ങള് തയാറാക്കിയത് : മെർലി എം. എൽദോ