ഫോട്ടോ : വിഷ്ണു നാരായണൻ
വെജ് പ്രിയർക്കായി ഇതാ പനീർ കൊണ്ടൊരു കിടിലൻ വിഭവം. പനീർ ലബാബ്ദാർ തയാറാക്കുന്നത് ഇങ്ങനെ...
1. പനീർ – 200 ഗ്രാം
2. മുളകുപൊടി – മുക്കാൽ ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
ഉപ്പ് – പാകത്തിന്
3. വെണ്ണ – ഒരു ചെറിയ സ്പൂൺ
എണ്ണ – ഒരു ചെറിയ സ്പൂൺ
4. ജീരകം – അര ചെറിയ സ്പൂൺ
ഏലയ്ക്ക – രണ്ട്
ഗ്രാമ്പൂ – രണ്ട്
കറുവാപ്പട്ട – ഒരുകഷണം
വഴനയില – ഒന്ന്
5. സവാള – ഒന്ന്, പൊടിയായി അരിഞ്ഞത്
6. ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ
7. തക്കാളി – നാല്, മിക്സിയിൽ അടിച്ചത്
8. തൈര് – ഒരു വലിയ സ്പൂൺ
ഉപ്പ് – പാകത്തിന്
മുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
കടലമാവ് – ഒരു ചെറിയ സ്പൂൺ
9. മല്ലിയില അരിഞ്ഞത് – അലങ്കരിക്കാൻ
പാകം ചെയ്യുന്ന വിധം
∙ ഫ്രോസണ്‍ പനീർ ആണെങ്കിൽ 10 മിനിറ്റ് ചൂടുവെള്ളത്തിൽ ഇട്ടു വയ്ക്കുക. പിന്നീട് ഊറ്റിയെടുത്തു വെള്ളം മുഴുവൻ പോയ ശേഷം രണ്ടാമത്തെ ചേരുവ യോജിപ്പിച്ചതു പുരട്ടി വയ്ക്കണം.
∙ പാനിൽ എണ്ണയും വെണ്ണയും ചൂടാക്കി നാലാമത്തെ ചേരുവ ചേർത്തു നന്നായി മൂപ്പിക്കുക.
∙ ഇതിലേക്കു സവാള ചേർത്തു വഴറ്റി നല്ല ബ്രൗൺ നിറമാകുമ്പോൾ, ഇഞ്ചി–വെളുത്തുള്ളി പേസ്റ്റ് ചേർത്തു വഴറ്റണം.
∙ വഴന്ന ശേഷം തക്കാളി ചേർത്തു നന്നായി ഇളക്കണം.
∙ ഇതിലേക്ക് എട്ടാമത്തെ ചേരുവ ചേർത്തു വീണ്ടും നന്നായി വഴറ്റുക. വെള്ളം വറ്റി എണ്ണ തെളിഞ്ഞു വരുമ്പോൾ പാകത്തിനു വെള്ളം ചേർത്തിളക്കുക.
∙ മസാല നന്നായി തിളയ്ക്കുമ്പോൾ പനീറും മല്ലിയിലയും ചേർത്തിളക്കി പൊതിഞ്ഞിരിക്കുന്ന പരുവത്തിൽ വാങ്ങുക.
