പനീർ തോരൻ
1.എണ്ണ – ഒന്നര വലിയ സ്പൂൺ
2.ജീരകം – മുക്കാൽ ചെറിയ സ്പൂൺ
3.ഇഞ്ചി പൊടിയായി അരിഞ്ഞത് – ഒന്നര വലിയ സ്പൂൺ
പച്ചമുളക് – മൂന്നു വലുത്, പൊടിയായി അരിഞ്ഞത്
4.സവാള – രണ്ട് ഇടത്തരം, പൊടിയായി അരിഞ്ഞത്
5.മഞ്ഞൾപ്പൊടി – കാൽ ചെറിയ സ്പൂൺ
മല്ലിയില പൊടിയായി അരിഞ്ഞത് – അരക്കപ്പ്
ഉപ്പ് – പാകത്തിന്
കുരുമുളകുപൊടി – അര ചെറിയ സ്പൂൺ
ഗ്രീൻപീസ് – ഒരു കപ്പ്
6.പനീർ – അരക്കിലോ, ഗ്രേറ്റ് ചെയ്തത്
7.തേങ്ങ ചുരണ്ടിയത് – അരക്കപ്പ്, ചതച്ചത്
പാകം ചെയ്യുന്ന വിധം
∙പാനിൽ എണ്ണ ചൂടാക്കി ജീരകം മൂപ്പിച്ച ശേഷം ഇഞ്ചിയും പച്ചമുളകും ചേർത്തു വഴറ്റുക.
∙ഇവയുടെ നിറം മാറുമ്പോൾ സവാള ചേർത്തു വഴറ്റി മൂപ്പിക്കണം.
∙സവാളയുടെ നിറം മാറുമ്പോൾ അഞ്ചാമത്തെ ചേരുവ ചേർത്തു വ‌ഴറ്റണം.
∙ഇതിലേക്ക് പനീറും ചേർത്ത് വീണ്ടും വഴറ്റി തേങ്ങയും ചേർത്തു വാങ്ങണം.
