തയാറാക്കിയത്: മെർലി എം. എൽദോ, ഫോട്ടോ: നെജിയ ഷീജിഷ്. പാചകക്കുറിപ്പുകൾക്കും ഫോട്ടോയ്ക്കു വേണ്ടി വിഭവങ്ങൾ തയാറാക്കിയതിനും കടപ്പാട്: നെജിയ ഷീജിഷ്, എറണാകുളം.
1. വെളിച്ചെണ്ണ – പാകത്തിന്
2. സവാള – അഞ്ച്, അരിഞ്ഞത്
3. ചുവന്നുള്ളി – ഒരു കപ്പ്, അരിഞ്ഞത്
4. ഇഞ്ചി–വെളുത്തുള്ളി ചതച്ചത് – അഞ്ചു വലിയ സ്പൂൺ
പച്ചമുളക് – 10–14, ചതച്ചത്
5. മഞ്ഞൾപ്പൊടി – അര ചെറിയ സ്പൂൺ
പെരുംജീരകംപൊടി – ഒരു വലിയ സ്പൂൺ
6. തക്കാളി – അഞ്ച്, അരിഞ്ഞത്
7. ചിക്കൻ – രണ്ടു കിലോ, വൃത്തിയാക്കി കഷണങ്ങളാക്കിയത്
പുതിനയില അരിഞ്ഞത് – ഒരു പിടി
കറിവേപ്പില – രണ്ടു തണ്ട്
8. മല്ലിയില അരിഞ്ഞത് – ഒരു പിടി
നാരങ്ങാനീര് – ഒരു നാരങ്ങയുടേത്
9. ബസ്മതി അരി – രണ്ടു കിലോ
10. കറുവാപ്പട്ട – ഒരിഞ്ചു കഷണം
ഗ്രാമ്പൂ – മൂന്ന്
ഏലയ്ക്ക – രണ്ട്
നെയ്യ് – ഒരു വലിയ സ്പൂൺ
നാരങ്ങാത്തൊണ്ട് – ഒരു നാരങ്ങയുടേത്
11. ഗരംമസാലപ്പൊടി – മൂന്നു ചെറിയ സ്പൂൺ
12. മല്ലിയില അരിഞ്ഞത്, നെയ്യ് – പാകത്തിന്
പാകം ചെയ്യുന്ന വിധം
∙ വെളിച്ചെണ്ണ ചൂടാക്കി സവാള വഴറ്റി ഗോൾഡൻബ്രൗ ൺ നിറമാകുമ്പോൾ ചുവന്നുള്ളി ചേർത്തു വഴറ്റണം.
∙ ഇതിലേക്ക് ഇഞ്ചി–വെളുത്തുള്ളി ചതച്ചതും പച്ചമുളകു ചതച്ചതും ചേർത്തു വഴറ്റുക.
∙ മസാല കടും ബ്രൗൺ നിറമാകുമ്പോൾ മഞ്ഞൾപ്പൊടിയും പെരുംജീരകംപൊടിയും ചേർത്തിളക്കുക.
∙ എണ്ണ തെളിയുമ്പോൾ തക്കാളി ചേർത്തു രണ്ടു മിനിറ്റ് വഴറ്റണം. ഇതിലേക്കു ചിക്കനും പുതിനയിലയും കറിവേപ്പിലയും ചേർത്തിളക്കി വേവിക്കുക.
∙ പകുതി വേവാകുമ്പോൾ മല്ലിയിലയും നാരങ്ങാനീരും ചേർത്തിളക്കി ചിക്കൻ വേവിക്കുക.
∙ അരിയുടെ ഇരട്ടി അളവു വെള്ളം തിളപ്പിച്ച് അതിലേക്കു 10ാമത്തെ ചേരുവ ചേർത്തു തിളയ്ക്കുമ്പോൾ അ രി ചേർക്കുക. മുക്കാൽ വേവിൽ അടുപ്പിൽ നിന്നു വാങ്ങുക. ഇതിൽ നിന്ന് നാരങ്ങയുടെ തൊണ്ട് മാറ്റണം.
∙ ചിക്കൻ വെന്ത ശേഷം ഗരംമസാലപ്പൊടി ചേർത്തിളക്കി അൽപം ചാറു വരുന്ന വിധം വറ്റിക്കണം.
∙ ഇതിനു മുകളിൽ മുക്കാൽ വേവിൽ ഊറ്റിയ ചോറു നിരത്തുക. പകുതി ചോറു നിരത്തിയ ശേഷം മല്ലിയിലയും നെയ്യും നിരത്തണം.
∙ ബാക്കി പകുതി ചോറും നിരത്തിയ ശേഷം ആവി പുറത്തു പോകാത്ത വിധം മുറുകെ അടച്ചു ചെറുതീയിൽ 15 മിനിറ്റ് വയ്ക്കണം.
∙ അടുപ്പിൽ നിന്നു വാങ്ങി 30 മിനിറ്റിനു ശേഷം വിളമ്പാം.
∙ സവാള കൊണ്ടുള്ള സാലഡ്, അച്ചാർ, പപ്പടം എന്നിവയ്ക്കൊപ്പം വിളമ്പണം.
