ചില്ലി ബീഫ്
1.ബീഫ് കനം കുറച്ചരിഞ്ഞു ചതുരക്കഷണങ്ങളാക്കി വേവിച്ചത് – 150 ഗ്രാം
2.എണ്ണ – രണ്ടു വലിയ സ്പൂൺ
3.സവാള – ഒന്ന്, ചതുരക്കഷണങ്ങളായി അരിഞ്ഞത്
സെലറി – ഒരു തണ്ട്, അരിഞ്ഞത്
പച്ചമുളക് – നാല്, അരിഞ്ഞത്
കാപ്സിക്കം – ഒന്നിന്റെ പകുതി, ചതുരക്കഷണങ്ങളായി അരിഞ്ഞത്
4.സോയാസോസ് – ഒരു ചെറിയ സ്പൂൺ
ചില്ലി സോസ് – ഒരു വലിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
പഞ്ചസാര – അര ചെറിയ സ്പൂൺ
ഉപ്പ് – പാകത്തിന്
പാകം ചെയ്യുന്ന വിധം
∙ബീഫ് തയാറാക്കി വയ്ക്കണം.
∙എണ്ണ ചൂടാക്കി മൂന്നാമത്തെ ചേരുവ ചേർത്തു വാടി വരുമ്പോൾ നാലാമത്തെ ചേരുവ ചേർത്തിളക്കുക.
∙നന്നായി പുരണ്ടു വരുമ്പോൾ ബീഫ് ചേർത്തു നന്നായി ഇളക്കി യോജിപ്പിക്കണം.
∙വാങ്ങി ചൂടോടെ വിളമ്പാം.