ഇതൊരു വ്യത്യസ്തമായ ബീഫ് റോസ്റ്റ്, തയാറാക്കാം ഈസിയായി!

ബീഫ് റോസ്റ്റ്

1. ബീഫ് - ഒരു കിലോയുടെ ഒരു കഷണം

2. വെളുത്തുള്ളി - ഒരു കുടം

ഇഞ്ചി - ഒരു കഷണം

കുരുമുളക് - ഒരു വലിയ സ്പൂൺ

3. നാരങ്ങാനീര് - ഒരു വലിയ സ്പൂൺ

ടുമാറ്റോ സോസ് - ഒരു വലിയ സ്പൂൺ

സോയാസോസ് - ഒരു വലിയ സ്പൂൺ

വൂസ്റ്റർ സോസ് - ഒരു വലിയ സ്പൂൺ

മുളകുപൊടി - ഒരു െചറിയ സ്പൂൺ

ഉപ്പ് - പാകത്തിന്

4. എണ്ണ - അരക്കപ്പ്

5. സവാള - ഒന്നിന്റെ പകുതി, പൊടിയായി അരിഞ്ഞത്

6. മൈദ - അര വലിയ സ്പൂൺ

പാകം െചയ്യുന്ന വിധം

∙ ബീഫ് വൃത്തിയാക്കി വയ്ക്കുക.

∙ രണ്ടാമത്തെ േചരുവ നന്നായി അരച്ചു മൂന്നാമത്തെ േചരുവയുമായി യോജിപ്പിച്ച് ഇറച്ചിയിൽ നന്നായി പുരട്ടി പിടിപ്പിക്കുക.

∙ ഒരു ഫോർക്ക് കൊണ്ട് എല്ലായിടത്തും കുത്തിയ ശേഷം ഫ്രിഡ്ജിൽ രണ്ടു ദിവസം വയ്ക്കുക.

∙ കുക്കറിൽ ഇറച്ചിയും ചാറും േചർത്തു വേവിക്കുക. ആവശ്യമെങ്കിൽ അൽപം വെള്ളം േചർക്കാം.

∙ ചീനച്ചട്ടിയിൽ എണ്ണ ചൂടാക്കി ഇറച്ചി ചേർത്തു തിരിച്ചും മറിച്ചുമിട്ടു വറുത്തെടുക്കുക.

∙ മൂർച്ചയുള്ള കത്തി കൊണ്ട് ഇറച്ചി സ്ലൈസ് െചയ്തു വ യ്ക്കുക.

∙ ഇറച്ചി വറുത്ത എണ്ണയിൽ സവാള അരിഞ്ഞതു േചർത്തു വഴറ്റുക.

∙ അതിൽ മൈദ ചേർത്തു വഴറ്റി ഇറച്ചിയുടെ ചാറു ചേർത്തു തിളപ്പിക്കുക.

∙ ഈ ചാറ് ഇറച്ചിക്കൊപ്പം ഒഴിച്ചു വിളമ്പാം.