ഇതുണ്ടെങ്കിൽ ഒരു പറ ചോറുണ്ണാം, മസാല പ്രോൺസ്!

മസാല പ്രോൺസ്

1.ചെമ്മീൻ – അരക്കിലോ

2.മഞ്ഞൾപ്പൊടി – കാൽ ചെറിയ സ്പൂൺ

മുളകുപൊടി – ഒരു ചെറിയ സ്പൂൺ

ഇഞ്ചി–വെളുത്തുള്ളി പേസ്റ്റ് – ഒരു ചെറിയ സ്പൂൺ

ഉപ്പ് – പാകത്തിന്

3.എണ്ണ – മൂന്നു വലിയ സ്പൂൺ

4.സവാള – രണ്ട്

5.പച്ചമുളക് – നാല്

കറിവേപ്പില – രണ്ടു തണ്ട്

6.മല്ലിപ്പൊടി – ഒരു ചെറിയ സ്പൂൺ

ജീരകംപൊടി – അര ചെറിയ സ്പൂൺ

പെരുംജീരകംപൊടി – അര ചെറിയ സ്പൂൺ

ഗരംമസാലപ്പൊടി – അര ചെറിയ സ്പൂൺ

‌7.നാരങ്ങാനീര് – ഒന്നര ചെറിയ സ്പൂൺ

പാകം ചെയ്യുന്ന വിധം

∙ചെമ്മീനിൽ രണ്ടാമത്തെ ചേരുവ പുരട്ടി അരമണിക്കൂർ വയ്ക്കുക.

∙പാനിൽ എണ്ണ ചൂടാക്കി സവാള വഴറ്റ‍ുക. ഗോൾഡൻ ബ്രൗൺ നിറമാകുമ്പോൾ അഞ്ചാമത്തെ ചേരുവ ചേർത്തു വഴറ്റുക.

∙ഇതിലേക്കു ചെമ്മീൻ ചേർത്തു രണ്ടു മൂന്നു മിനിറ്റ് വേവിക്കുക.

∙ഇതിലേക്ക് ആറാമത്തെ ചേരുവ ചേർത്തു അഞ്ചു മിനിറ്റ് വഴറ്റുക. ചെമ്മീനിൽ മസാല നന്നായി പൊതിയണം.

∙നാരാങ്ങാനീര് ഒഴിച്ചു വാങ്ങി ചൂടോടെ വിളമ്പാം.