ബീഫ് ഏത്തക്കായ കറി
1.ബീഫ്, കൊഴുപ്പോടു കൂടിയത് – അരക്കിലോ
2.ഏത്തക്കായ – അരക്കിലോ
3.വെളിച്ചെണ്ണ – രണ്ടു വലിയ സ്പൂൺ
4.സവാള – മൂന്ന്, നീളത്തിൽ അരിഞ്ഞത്
ഇഞ്ചി – ഒരു കഷണം, നീളത്തിൽ അരിഞ്ഞത്
പച്ചമുളക് – നാല്, നീളത്തിൽ അരിഞ്ഞത്
കറിവേപ്പില – രണ്ടു തണ്ട്
5.മുളകുപൊടി – രണ്ടു ചെറിയ സ്പൂൺ
മല്ലിപ്പൊടി – നാലു ചെറിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഗരംമസാലപ്പൊടി – ഒരു ചെറിയ സ്പൂൺ
6.ഉപ്പ് – പാകത്തിന്
7.തേങ്ങ – ഒന്ന്
ഒന്നാം പാൽ – ഒരു കപ്പ്
രണ്ടാം പാൽ – രണ്ടു കപ്പ്
പാകം ചെയ്യുന്ന വിധം
∙ഇറച്ചി ചെറിയ കഷണങ്ങളാക്കി മുറിച്ച് വയ്ക്കുക.
∙ഏത്തക്കായയും തൊലി കളഞ്ഞു ചെറിയ കഷണങ്ങളാക്കി വയ്ക്കുക.
∙എണ്ണ ചൂടാക്കി നാലാമത്തെ ചേരുവ വഴറ്റുക.
∙വഴന്ന ശേഷം അഞ്ചാമത്തെ ചേരുവ അരച്ചതും ചേർത്തിളക്കുക.
∙ഇതിലേക്ക് ഇറച്ചിയും പാകത്തിനുപ്പും ചേർത്തു കുക്കറിൽ വേവിക്കുക.
∙രണ്ടാം പാലും ഏത്തക്കായും ചേർത്തിളക്കി വീണ്ടും കുക്കറിൽ വേവിക്കുക.
∙ഒന്നാം പാൽ ചേർത്തു തിളയ്ക്കുമ്പോൾ വാങ്ങി ചെറു ചൂടോടെ വിളമ്പാം.