ചിക്കൻ കറി
1.ചിക്കൻ – അരക്കിലോ
2.നാരങ്ങനീര് – ഒരു വലിയ സ്പൂൺ
ഇഞ്ചി–വെളുത്തുള്ളി പേസ്റ്റ – ഒന്നര വലിയ സ്പൂൺ
മല്ലിപ്പൊടി – ഒരു വലിയ സ്പൂൺ
കശ്മീരി മുളകുപൊടി – ഒരു വലിയ സ്പൂൺ
മഞ്ഞൾപ്പൊടി – കാൽ ചെറിയ സ്പൂൺ
ഉപ്പ് – പാകത്തിന്
3.എണ്ണ – ഒരു വലിയ സ്പൂൺ
4.കശ്മീരി മുളക് – ഏഴ്
വറ്റൽമുളക് – രണ്ട്
മല്ലി – ഒരു വലിയ സ്പൂൺ
കുരുമുളക് – ഒരു ചെറിയ സ്പൂൺ
ഉലുവ – അര ചെറിയ സ്പൂൺ
കറുവാപ്പട്ട – ഒരിഞ്ചു കഷണം
കുരുമുളക് – ഒരു ചെറിയ സ്പൂൺ
5.എണ്ണ – ഒരു വലിയ സ്പൂൺ
6.സവാള – മൂന്ന്, അരിഞ്ഞത്
തക്കാളി – രണ്ട്, അരിഞ്ഞത്
പച്ചമുളക് – മൂന്ന്
ഇഞ്ചി – ഒരിഞ്ചു കഷണം
വെളുത്തുള്ളി – എട്ട് അല്ലി
7.എണ്ണ – ഒരു വലിയ സ്പൂൺ
8.കടുക് – ഒരു ചെറിയ സ്പൂൺ
ഏലയ്ക്ക – രണ്ട്
ഗ്രാമ്പൂ – മൂന്ന്
കറിവേപ്പില – ഒരു തണ്ട്
9.മഞ്ഞൾപ്പൊടി – കാൽ ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
കശ്മീരി മുളകുപൊടി – ഒരു ചെറിയ സ്പൂൺ
കുരുമുളകുപൊടി – ഒരു ചെറിയ സ്പൂൺ
ഉപ്പ് – പാകത്തിന്
10.തേങ്ങാപ്പാൽ – ഒരു കപ്പ്
11.മല്ലിയില അരിഞ്ഞത് – രണ്ടു വലിയ സ്പൂൺ
പാകം ചെയ്യുന്ന വിധം
∙ചിക്കൻ വൃത്തിയാക്കി രണ്ടാമത്തെ ചേരുവ ചേർത്ത് അരമണിക്കൂർ വയ്ക്കണം.
∙പാനിൽ എണ്ണ ചൂടാക്കി നാലാമത്തെ ചേരുവ വറുക്കണം. പച്ചമണം മാറുമ്പോൾ മിക്സിയിൽ അരച്ചു മാറ്റി വയ്ക്കുക.
∙പാനിൽ എണ്ണ ചൂടാക്കി ആറാമത്തെ ചേരുവ വഴറ്റണം. സവാള കണ്ണാടിപ്പരുവമാകുമ്പോൾ വാങ്ങി അരച്ചു വയ്ക്കുക.
∙പാനിൽ എണ്ണ ചൂടാക്കി എട്ടാമത്തെ ചേരുവ മൂപ്പിക്കുക.
∙ഇതിലേക്കു അരച്ചു വച്ച മസാലക്കൂട്ട് ചേർത്തിളക്കണം.
∙എണ്ണ തെളിയുമ്പോൾ സവാള മിശ്രിതം ചേർത്തിളക്കുക.
∙ഒൻപതാമത്തെ ചേരുവ ചേർത്തിളക്കി പച്ചമണം മാറുമ്പോൾ ചിക്കൻ കഷണങ്ങളും തേങ്ങാപ്പാലും പാകത്തിനു വെള്ളവും ചേർത്തു മൂടി വച്ചു വേവിക്കണം.
∙വെന്തു പാകമാകുമ്പോൾ മല്ലിയിലയും ചേർത്തിളക്കി വാങ്ങാം.
