ഫിഷ് ബോൾസ് നിറച്ചത്
1. മീൻ - 250 ഗ്രാം
2. ഉപ്പ്, മഞ്ഞൾപ്പൊടി, കുരുമുളകുപൊടി - പാകത്തിന്
3. എണ്ണ - പാകത്തിന്
4. സവാള അരിഞ്ഞത് - അരക്കപ്പ്
5. ഇഞ്ചി - വെളുത്തുള്ളി ചതച്ചത് - ഒന്നര ചെറിയ സ്പൂൺ
6. പച്ചമുളക് - മൂന്ന്, അരിഞ്ഞത്
7. കുരുമുളകുപൊടി - ഒരു ചെറിയ സ്പൂൺ
8. ഉപ്പ് - പാകത്തിന്
9. നാരങ്ങാനീര് - ഒന്നര ചെറിയ സ്പൂൺ
10. മല്ലിയില അരിഞ്ഞത് - ഒരു ചെറിയ സ്പൂൺ
11. തേങ്ങ - അര മുറി, ചുരണ്ടിയത്
പച്ചമുളക് - മൂന്ന്, അരിഞ്ഞത്
നാരങ്ങാനീര് - ഒരു ചെറിയ സ്പൂൺ
മല്ലിയില, പുതിനയില - കുറച്ച്, അരിഞ്ഞത്
ഇഞ്ചി അരിഞ്ഞത് - അര ചെറിയ സ്പൂൺ
ഉപ്പ് - പാകത്തിന്
12. മുട്ട - ഒന്ന്
13. റൊട്ടി പൊടിച്ചത് - പാകത്തിന്
14. എണ്ണ - വറുക്കാൻ ആവശ്യത്തിന്
പാകം െചയ്യുന്ന വിധം
∙ മീൻ രണ്ടാമത്തെ ചേരുവ ചേർത്തു വേവിച്ച് അടർത്തി വയ്ക്കുക.
∙ എണ്ണ ചൂടാക്കി നാലു മുതൽ ഏഴുവരെയുള്ള ചേരുവ യഥാക്രമം ചേർത്തു വഴറ്റിയെടുക്കുക.
∙ പാകത്തിനുപ്പും ചേർത്തിളക്കണം.
∙ നാരങ്ങാനീരും മല്ലിയിലയും ചേർത്തു നന്നായി വരട്ടിയെടുത്ത്, അടുപ്പിൽ നിന്നു വാങ്ങി വയ്ക്കണം.
∙ പതിനൊന്നാമത്തെ ചേരുവ യോജിപ്പിച്ചു വെള്ളം തൊടാതെ അരയ്ക്കുക.
∙ തയാറാക്കി വച്ചിരിക്കുന്ന മീൻ കൂട്ട്, ചെറിയ ഉരുളകളാക്കി, ഇതിനുള്ളിൽ തേങ്ങാക്കൂട്ടു നിറച്ചു വീണ്ടും ഉരുട്ടുക.
∙ ഓരോ ഉരുളയും ഇങ്ങനെ തയാറാക്കി, മുട്ട അടിച്ചതിൽ മുക്കി, റൊട്ടിപ്പൊടിയിൽ പൊതിഞ്ഞെടുക്കുക.
∙ പിന്നീട്, തിളയ്ക്കുന്ന എണ്ണയിലിട്ട്, ഗോൾഡൻ ബ്രൗൺ നിറത്തിൽ വറുത്തു കോരുക.
