മഛർ പത്തൂരി
1.വെള്ള ദശക്കട്ടിയുള്ള മീൻ – 500 ഗ്രാം
2.കടുക് – രണ്ടു വലിയ സ്പൂൺ
മഞ്ഞക്കടുക് – ഒരു വലിയ സ്പൂൺ
തേങ്ങ ചുരണ്ടിയത് – അരക്കപ്പ്
കശുവണ്ടിപ്പരിപ്പ് നുറുക്ക് – രണ്ടു വലിയ സ്പൂൺ
പച്ചമുളക് – അഞ്ച്
ഉപ്പ് – പാകത്തിന്
3.പഞ്ചസാര – ഒരു ചെറിയ സ്പൂൺ
മഞ്ഞൾപ്പൊടി – ഒരു ചെറിയ സ്പൂൺ
നാരങ്ങാനീര് – ഒരു ചെറിയ സ്പൂൺ
4.കടുകെണ്ണ – ഒരു വലിയ സ്പൂൺ
5.പച്ചമുളക് – എട്ട്–പത്ത്
പാകം ചെയ്യുന്ന വിധം
∙മീൻ വൃത്തിയാക്കി മുള്ളില്ലാതെ എട്ടു – പത്തു കഷണങ്ങളാക്കി തുടച്ചുണക്കി വയ്ക്കുക.
∙രണ്ടാമത്തെ ചേരുവ മിക്സിയിൽ അരയ്ക്കുക. ഇടയ്ക്കിടെ അൽപം വെള്ളം ചേർത്തു കൊടുക്കണം.
∙ഇതിലേക്കു മൂന്നാമത്തെ ചേരുവയും യോജിപ്പിച്ച് അരപ്പു തയാറാക്കി മീൻ കഷണങ്ങളിൽ നന്നായി പുരട്ടിപ്പിടിപ്പിച്ച് രണ്ടു മണിക്കൂർ വയ്ക്കുക ഫ്രിഡ്ജിൽ വയ്ക്കുക.
∙പിന്നീടു പുറത്തെടുത്ത് കടുകെണ്ണ ഒഴിച്ചു യോജിപ്പിക്കുക.
∙വാഴയില എട്ടിഞ്ചു വലുപ്പമുള്ള ചതുരക്കഷണങ്ങളായി മുറിച്ച് ഓരോന്നിലും അൽപം കടുകെണ്ണ പുരട്ടി, ഓരോ ഇലയിലും ഓരോ മീൻ കഷണം വീതം വയ്ക്കുക.
∙അതിനു മുകളിൽ അൽപം അരപ്പു പുരട്ടി ഒരു പച്ചമുളകും വയ്ക്കുക. വാഴയില ചതുരാകൃതിയിൽ പൊതിഞ്ഞു ചരതുകൊണ്ടു കെട്ടി ആവി വരുന്ന അപ്പച്ചെമ്പിന്റെ തട്ടിൽ വച്ച് ഉദ്ദേശം പത്തു മിനിറ്റ് വേവിക്കണം.
∙അപ്പച്ചെമ്പിൽ നിന്നു പുറത്തെടുത്തു ചരടഴിച്ചു മാറ്റി ചോറിനൊപ്പം ചൂടോടെ വിളമ്പാം.