ചെമ്മീൻ ഉലർത്ത്
1.ചെമ്മീൻ – അരക്കിലോ
2.മഞ്ഞൾപ്പൊടി – അര ചെറിയ സ്പൂൺ
കുരുമുളകുപൊടി – ഒരു വലിയ സ്പൂൺ
കശ്മീരി മുളകുപൊടി – അര ചെറിയ സ്പൂൺ
നാരങ്ങാനീര് – ഒരു വലിയ സ്പൂൺ
ഉപ്പ് – പാകത്തിന്
3.എണ്ണ – രണ്ടു വലിയ സ്പൂൺ
4.വെണ്ണ – ഒരു വലിയ സ്പൂൺ
5.വെളുത്തുള്ളി, പൊടിയായി അരിഞ്ഞത് – രണ്ടു വലിയ സ്പൂൺ
വറ്റൽമുളകു ചതച്ചത് – ഒരു വലിയ സ്പൂൺ
കറിവേപ്പില – രണ്ടു തണ്ട്
6.മല്ലിയില, അരിഞ്ഞത് – കാൽ കപ്പ്
പാകം ചെയ്യുന്ന വിധം
∙ചെമ്മീൻ കഴുകി വൃത്തിയാക്കി രണ്ടാമത്തെ ചേരുവ ചേർത്തു യോജിപ്പിച്ച് അരമണിക്കൂർ വയ്ക്കുക.
∙പാനിൽ എണ്ണ ചൂടാക്കി ചെമ്മീൻ വറുത്തു കോരി മാറ്റി വയ്ക്കണം.
∙ഇതേ പാനിൽ വെണ്ണ ചൂടാക്കി അഞ്ചാമത്തെ ചേരുൂവ വഴറ്റുക.
∙ഇതിലേക്കു വറുത്തു വച്ചിരിക്കുന്ന ചെമ്മീൻ ചേർത്തു യോജിപ്പിച്ച് മല്ലിയില വിതറി വാങ്ങാം.
