ഞണ്ടു വറുത്തത്
1. ഞണ്ട് – ഒരു കിലോ
2. ഇഞ്ചി വെളുത്തുള്ളി പേസ്റ്റ് – ഒരു ചെറിയ സ്പൂൺ
മഞ്ഞൾപ്പൊടി – അര ചെറിയ സ്പൂൺ
മുളകുപൊടി – രണ്ടു ചെറിയ സ്പൂൺ
ഗരംമസാലപ്പൊടി – കാൽ ചെറിയ സ്പൂൺ
നാരങ്ങാനീര് – ഒരു ചെറിയ സ്പൂൺ
ഉപ്പ് – പാകത്തിന്
3. വെളിച്ചെണ്ണ – രണ്ടു വലിയ സ്പൂൺ
പാകം ചെയ്യുന്ന വിധം
∙ ഞണ്ട് വൃത്തിയാക്കി വയ്ക്കുക
∙ രണ്ടാമത്തെ ചേരുവ യോജിപ്പിച്ച് ഞണ്ടിൽ പുരട്ടി അര മണിക്കൂർ മാറ്റി വയ്ക്കുക.
∙ ഒരു പാനിൽ എണ്ണ ചൂടാക്കി ഞണ്ട് തിരിച്ചും മറിച്ചുമിട്ട് വറുത്തെടുക്കുക.
ഞണ്ട് വറ്റിച്ചത്
1. ഞണ്ട് – ഒരു കിലോ
2. എണ്ണ – രണ്ടു വലിയ സ്പൂൺ
3. ഇഞ്ചി, വെളുത്തുള്ളി ചതച്ചത് – മൂന്നു ചെറിയ സ്പൂൺ
സവാള – മൂന്ന്, നീളത്തിൽ അരിഞ്ഞത്
പച്ചമുളക് – രണ്ട്, അരിഞ്ഞത്
4. മഞ്ഞൾപ്പൊടി – അര ചെറിയ സ്പൂൺ
മുളകുപൊടി – ഒരു ചെറിയ സ്പൂൺ
മല്ലിപ്പൊടി – ഒരു ചെറിയ സ്പൂൺ
മട്ടൻ/ചിക്കൻ മസാല – ഒരു ചെറിയ സ്പൂൺ
കുരുമുളകുപൊടി – അര ചെറിയ സ്പൂൺ
ഉപ്പ് – പാകത്തിന്
5. തക്കാളി – മൂന്ന്, നീളത്തിൽ അരിഞ്ഞത്
6. കറിവേപ്പില – മൂന്നു തണ്ട്
പാകം ചെയ്യുന്ന വിധം
∙ ഞണ്ട് വൃത്തിയാക്കി വയ്ക്കുക.
∙ ചുവടുകട്ടിയുള്ള പാത്രത്തിൽ എണ്ണ ചൂടാക്കി മൂന്നാമ ത്തെ ചേരുവ ഗോൾ നിറമാകുന്നതു വരെ വഴറ്റുക.
∙ ഇതിലേക്ക് നാലാമത്തെ ചേരുവ ചേർത്ത് മൂപ്പിക്കുക. എണ്ണ തെളിയുന്ന പാകത്തിൽ തക്കാളി ചേർത്തു വ ഴറ്റുക.
∙ തക്കാളി വെന്തുടഞ്ഞശേഷം അരക്കപ്പ് വെള്ളവും ഞ ണ്ടും ചേർത്തിളക്കി മൂടി വച്ചു വേവിക്കുക.
∙ ചാറ് നന്നായി കുറുകി വരുന്ന പാകത്തിൽ കറിവേപ്പില ചേർത്തി ളക്കി വിളമ്പാം. തേങ്ങാപ്പാൽ ചേർക്കുന്നതും രുചികരമാണ്.
ഈസി ക്രാബ് – പൊട്ടേറ്റോ റോസ്റ്റ്
1. ഞണ്ട് വൃത്തിയാക്കിയത് – ഒരു കിലോ
2. എണ്ണ – മൂന്നു വലിയ സ്പൂൺ
3. ഇഞ്ചി വെളുത്തുള്ളി പേസ്റ്റ് – രണ്ടു ചെറിയ സ്പൂൺ
പച്ചമുളക് – നാല്, രണ്ടായി മുറിച്ചത്
സവാള– അഞ്ച്, നീളത്തിൽ അരിഞ്ഞത്
തക്കാളി – മൂന്ന്, അരിഞ്ഞത്
4. മഞ്ഞൾപ്പൊടി – അര ചെറിയ സ്പൂൺ
മട്ടൻ/ചിക്കൻ മസാല – രണ്ടര ചെറിയ സ്പൂൺ
ഉപ്പ് – പാകത്തിന്
5. കറിവേപ്പില – മൂന്ന് തണ്ട്
6. ഉരുളക്കിഴങ്ങ് – രണ്ട്, കഷണങ്ങളാക്കിയത്
പാകം ചെയ്യുന്ന വിധം
∙ ഒരു പാനിൽ എണ്ണ ചൂടാക്കി മൂന്നാമത്തെ ചേരുവ വഴറ്റുക.
∙ എണ്ണ തെളിഞ്ഞു വരുന്ന പാകത്തിൽ നാലാമത്തെ ചേരുവ ചേർത്തു മൂപ്പിക്കുക
∙ ഇതിലേക്ക് ഞണ്ടും കറിവേപ്പിലും ചേർത്ത് ഒരു കപ്പ് വെള്ളമൊഴിച്ച് നന്നായി ഇളക്കുക. ഇടത്തരം തീയിൽ മുക്കാൽ വേവിൽ വേവിക്കുക.
∙ ഇനി ഉരുളക്കിഴങ്ങും ചേർത്ത് നന്നായി വേവിച്ചു വാങ്ങുക.
റെസിപ്പി: മുംതാസ് സാദിഖ്, ഖത്തർ