പോഷകസമൃദ്ധമായ കവടപുല്ലു കൊണ്ട് മൊരിഞ്ഞ ദോശ. രുചികരമായ ദോശ എങ്ങനെ തയാറാക്കാം എന്നു നോക്കാം.
ചേരുവകൾ
1.കവടപുല്ല് പൊടി - ഒരു കപ്പ്
2.റവ - 1/2 കപ്പ്
3.ഉരുളക്കിഴങ് ഗ്രേറ്റ് ചെയ്തത് - 1 കപ്പ്
4.പച്ചമുളക് അരിഞ്ഞത് - ഒരു ടീസ്പൂൺ
5.ഇഞ്ചി അരിഞ്ഞത് - ഒരു ടീസ്പൂൺ
6.മല്ലിയില അരിഞ്ഞത് - 1/4 കപ്പ്
7.മഞ്ഞൾ പൊടി - 1/2 ടീസ്പൂൺ
8.ജീരകം - 1/2 ടീസ്പൂൺ
9.ഉപ്പ് - 1 ടീസ്പൂൺ
10.വെള്ളം - 3 കപ്പ്
തയാറാക്കുന്ന വിധം
•കവടപുല്ല് പൊടിയിൽ 3 കപ്പ് വെള്ളം ഒഴിച്ച് കട്ടയില്ലാതെ കലക്കി എടുക്കുക.
∙അരിഞ്ഞുവെച്ച എല്ലാ പച്ചക്കറികളും മഞ്ഞൾപൊടിയും, ഉപ്പും, ജീരകവും കൂടി ഇട്ടു നന്നായി ഇളക്കി യോജിപ്പിക്കുക.
∙അയഞ്ഞ പാകത്തിൽ വേണം യോജിപ്പിച്ചെടുക്കാൻ.
•ചൂടായ പാനിൽ ഒരു ടീസ്പൂൺ എണ്ണ ഒഴിച്ചു കൊടുത്തതിനുശേഷം ഇത് ഓരോ തവി കുറേശ്ശെ ഒഴിച്ച് തിരിച്ചും മറിച്ചും ഇട്ടു ചുട്ടെടുക്കാം.
∙പോഷകസമൃദ്ധമായ കവടപുല്ല് ദോശ റെഡി.