ചോറിനൊപ്പം രുചിയൂറും മുതിരച്ചാർ കറി, ആരോഗ്യം പകരും റെസിപ്പി!

മുതിരച്ചാർ കറി

1.മുതിര – രണ്ടു കപ്പ്

2.പച്ചമാങ്ങ ചെറുതായരിഞ്ഞത് – അരക്കപ്പ്

3.തേങ്ങാ ചുരണ്ടിയത് – ഒരു കപ്പ്

4.മുളകുപൊടി – ഒരു ചെറിയ സ്പൂൺ

മല്ലിപ്പൊടി – അര ചെറിയ സ്പൂൺ

മഞ്ഞൾപ്പൊടി – കാൽ ചെറിയ സ്പൂൺ

5.ജീരകം – ഒരു നുള്ള്

ചുവന്നുള്ളി – മൂന്ന്

6.ഉപ്പ് – പാകത്തിന്

7.വെളിച്ചെണ്ണ – രണ്ടു വലിയ സ്പൂൺ

8.കടുക് – അൽപം

വറ്റൽമുളക് – നാല്

ചുവന്നുള്ളി – മൂന്ന്

പാകം ചെയ്യുന്ന വിധം

∙മുതിര നന്നായി വറുത്ത് കുക്കറിൽ വെള്ളമൊഴിച്ച് വേവിച്ച് രണ്ടു കപ്പ് ചാറ് ഊറ്റിയെടുക്കുക.

∙പച്ചമാങ്ങ അൽപം വെള്ളമൊഴിച്ച് വേവിച്ചെടുക്കുക.

∙തേങ്ങ ചുരണ്ടിയത് നേർത്ത ബ്രൗൺ നിറത്തിൽ വറുക്കുക.

∙തീ അണച്ച ശേഷം നാലാമത്തെ ചേരുവ ചേർത്തിളക്കുക.

∙ഇതിലേക്ക് ജീരകവും ചുവന്നുള്ളിയും ചേർത്ത് മയത്തിൽ അരച്ചെടുക്കുക.

∙മുതിരച്ചാറിലേക്ക് വേവിച്ച മാങ്ങയും അരച്ചെടുത്ത തേങ്ങയും പാകത്തിനുപ്പും ചേർത്തു വേവിക്കുക.

∙ഒരു പാനിൽ വെളിച്ചെണ്ണ ചൂടാക്കി എട്ടാമത്തെ ചേരുവ മൂപ്പിച്ച് കറിക്കു മുകളിൽ താളിച്ചൊഴിക്കുക.